حــــبــــيـــــتـــــك أكـــــــــثــــــــــر
لـيـه اذا حبيـتـك أكـثـر زدت قـسـوه
وان دريت بحاجتي لك .. زدت جفوه
وان عطيتـك مــن حيـاتـي ماتـريـده
ماكفـاك وتحـسـب ان الـحـب نــزوه
والله انـي يـا أحـب النـاس.. أحـبـك
والله ان الـروح لـو ترضـيـك.. فــدوة
واللـي انـي تـارك غيـرك .. وجيـتـك
مـزعـل الـزعــلان والـعــذال عـنــوة
كـل دقـه قلـب فينـي لــك قصـيـده
تكـفـى الدنـيـا مــع الاحـبـاب غـنـوة
وكـل هـاجـس مايجـيـب الا خيـالـك
سلوتي بالعمر .. في صحوة وغفوه
اجمع احسـاس واشواقـي واجيلـك
والبس ثياب الهوى والعشق كسوه
وانتـقـي مــن سواليـفـي حسـنـهـا
والقصـايـد مــن غزلـهـا كــل حــروة
وأنثـر العـبـرات والضحـكـات عـنـدك
واقـول انـي احــق الـنـاس فـضـوة
ادري انـــي عـــادي مـافـيـه مـيــزه
وادري انــي كــادح مـاحـاش كــروة
وادري اني في خريف العمر ماضي
مابقـي بينـي وبـيـن القـبـر خـطـوه
لكـن انـي صــادق فــي مــا اقـولـه
واطلـب مـن الله عـن الـزلات عـفـوه
مجموعة إنسان
قــالت مـن انــت ؟ وقــلـت مجمــوعة انــســان
مـــن كـــل ضـــــد و ضـــــد تـلقـيــن فـينــــي
فــيـنـي نــهـــار ولــيــل وأفـــراح و أحــــزان
أضـــحــك ودمـــعــي حـــايـر وســط عينـــــي
وفــيــنـي بــدابة وقـت و نــهـــا ية أزمــــــان
أشــــتاق بــاكــــر وأعــطـــي أمســـي حنيـني
وأســقـي قــلوب الــناس عــشــــقٍ وظــمـيـان
وأهـــدي حـــيارى الــدرب وأحـــتـار ويــــنـي
وأحـــاوم صـــقور الــهـــوا حـــوم نشــــــوان
وأســـيــل الــوديـــــان دمــــــع حــزيـــــــــنِ
فــي عــيـني الـيمنــى مـن الورد بــســــتـــان
وفــــي عيـــنــي الــيــســرا عـجـاج الـسـنينِ
تــهــزمنــي الـنجــلا وانــا نــد فـــرســــــــان
وأخـــفـــي طــعونــي والـمحــبــه تــبـيـــــــنِ
اذا ما عــرفتــيني فـــلا نــــي بـــزعــــــــلان
حتـــى أنــا تــرانـــي إحـــــتـرت فـــــــــــيني
ليالي نجد
ليالى نجد مامثلك ليالي
غلاك اول وزاد الحب غالي
ليالي نجد للمحبوب طيبي
امانه نور عينى ياليالي
حبيبي لى ذكرت انه حبيبي
دريت انى حظيظ وزان بالي
على شانه تهاونت المصايب
اذوق المر لاجل رضاه حالي
والى من الزمان اشتد حره
لقيت بقرب مظنوني ظلالي
عفا الله عنه مما جاني اول
غسل حبه جميع الهم تالي
جرح القصيده
قصيدتي منك مجروحه
اخلفتني واختلف شعري
يا ونتي منك مبحوحه
لو ما طلع صوتها عذري
ذي رايتي منك مطروحه
طرحتها وانت ما تدري
شف دمعة الشوق مسفوحة
والوجد في ملحها يسري
مواجع القلب مفتوحه
داريتها واحترق صدري
حمامه الوصل مذبوحه
يا خوفتي قبرها قبري
ساعة الفرحة
يا ساعة الفرحه تشوقت للعيد
عيد العيون وعيد قلب الصبابه
رد الجمال لشوفتي يا اتلع الجيد
واسحب على حرفي لحون الربابه
حرفي بصوتك يا اجمل الصوت تغريد
يا رمز حبي هاك رمز الكتابه
يا صبح عمر فيك للعمر تجديد
وحبك يجدد كل يوم شبابه
للعين والقمرا وحسنك مواعيد
وليل الهوى شرع للأحباب بابه
ياما زعجت الصوت باسمك تراديد
وياما نسيم الوجد يمك سرابه
وياما تمنيتك على باقي الغيد
واقول مثلك يا غلا الروح ما به
ابيك تهوى مثل ما اهواك وتزيد
يا من خفوق القلب حسنك غدا به
يا قطرة الغيمه على يابس البيد
رد الحياة لخافقي يا ذهابه
في سحابه
في سحابه..
على متن التمني
شفت عمري
خيال في سحابه
يا ذهابه ..
تعدى ما ارجهن
كن عامه
نهار يا ذهابه ..
من غدا به
ربيع العمر مني
حسبي الله
على وقت غدا به ..
إلتوى به
رجا قلب يون
ويل قلب تعلق والتوى به
في شبابه ..
حبس نشواه عني
ما تهيا لذيذه في شبابه
ذا صوابه ..
عقب ما هو طعني ..
لو نسيته يذكرني صوابه
من هقابه ..
يخيب كل ظني
واعذاب الخفوق اللي هقابه
رد بابه ..
زماني وامتحني
يوم ثور عجاجه
رد بابه
يا ربابه ..
على المسحوب غني
من قصيدي
بكى قوس الربابه ..
بنت الكحيله
بنت الكحيله مهــرتي
وخيالتي من كل اصيل
ألقى عليها طربتي
بين المعنق والشليل
صدر وقطاة فلـــوتي
العنق والساق الطويل
وقع الحـــوافر نغمتي
وحداتنا رجع الصهيل
أبوي وجدي قدوتي
لو ما لهم عندي مثيل
بالدين تفخر عزوتي
والرمح والسيف الصقيل
ماكر حرار ديرتي
ما في هل العوجا ذليل
فدوة عيونك
فدوة عيونك لو غدت روح مغليك
وش عاد لوراحت لعينك عشاير
ابيع مايغلى على الكون واشريك
واسوق لى جتنى علومك بشاير
وازعل جميع الناس بالحيل وارضيك
واصبر ولودارت على الدواير
وآخذ من ايامي لك ايام واعطيك
وان راح عمري لك فلا هو خساير
سحاب
سحاب انا من بدة الناس مغليك
اغلى على من الهوى في حياتى
سحاب سميتك على غيث واليك
ياغيث قلبى فرحتى يانجاتى
اخايل بروقك واراعي مناشيك
واشفق على هل المطر منك ياتى
سبحان من علاك عن كل راجيك
ارض تعداها حياها فواتى
هواك طوفنى معك في مساريك
من فوق أناظر قالبين العباتى
سريت
سريت ليل الهوى لين انبلج نوره
امشي على الجدي وتسامرني القمرا
طعس وغدير وقمر ونجوم منثوره
انفاس نجد بها جرح الدهر يبرا
يا نجد الاحباب لك حدر القمر صوره
طفلة هلال وبنت اربع عشر بدرا
حبيبتي نجد عيني فيك معذوره
معشوقة القلب فيها للنظر سحرا
فضة شعاع القمر في نجد مسحوره
من شاف لمع قمر في خدة سمرا
حدر القمر
حدر القمر صوّت لخله وناداه
ثلاث مرات وبالرابعة ون
حدر القمر يا ما همس له وناجاه
وعيونهم ياما بنوره تلاقن
والبارحه عدا على الذيب بعواه
واقفت ظنونه بالليال يتعادن
مرٍ حوالينه ومرٍ تعداه
ومر تضاحك له ومر يتباكن
هذي سواة اللي عن النوم قزاه
طيف الحبيب اللي على خاطره عن
ان شافت عيونه جمال تمناه
وان صوت القمري لصوت الهوى حن
الجارحه تجرح وتسري وتنساه
وجروح مجروح الليالي تساقن
والخافيه طعنة زمانه تمناه
والبينه عنها عيونه يبوحن
الصورة مخالفة
لو نسيت
لو نسيت العمر ما انسى دمعتك
صرخة ذابت من عيونك دموع
ترتعش مرتاعة في وجنتك
وانتفض قلبي لها بين الضلوع
أزعجت صمت الليالي عبرتك
بالخفا ثوره وبالظاهر خشوع
تسكب الدمعه وتظمى نظرتك
مشهد النظرة وهي تظمى يروع
يا ضياع العمر ضيعة بسمتك
ضاع معها خافق مثلك جزوع
ليت من يمتص جارح لحظتك
والفرح يشعل دياجيرك شموع
سمرت
سمرت بصحبة حروف القوافي
احملها تناهيت خوافي
اشكل بالحروف الوان صوره
احركها من المعنى بصافي
اشيل الحرف من معنى لمعنى
واجاري ما زهر واظهر بخافي
والى مني عطيت الحرف ونه
بها حرفي على النجمات طافي
يقوم كل نجم من منامه
أنا ما نيب اسامر نجم غافي
يجيني كل نجم منه معنى
ولا قد قلت للنجمات كافي
تصور لي دموع وابتسامه
من عيون تقصوت ما تشافِ
ألا يا نجم يا عالي تبصر
شف بعين المحبه عين وافي
وخبرني عن علومه وحاله
عسى قلبه مع الأشواق دافي
ولو ممشاي في جمر يفيده
مشيت بجمرها كنه عوافي
ولكن وش يفيده لو ذبحني
ومن يوصف جماله عقب قافي
موت الوفا
لو يبور الملأ ما أحسب حبيبي يبور
وأحسب اني أموت ... ولايموت الوفا
وأحسب انه على هاك المودة ... غيور
ما احسب ان الشعاع .. اللي بقلبه طفا
كيف يانور عينى ... وانت للعين نور
يختفي نور وصلك في ظلام ... الجفا
اثر قلبك على فرقا الولايف جسور
واثر ... طرفك اليا سهرت عيوني غفا
وين هاك الونين ... اللي يشق الصدور
وين هاك الدموع ... اللي تشق الصفا
كل حي ٍ اليادارت لياليه ...يدور
كل قلب اليا ... عفت جروحه عفا
ويل قلب توالت فوق جروحه كسور
كل جرح الهوي ... ياصاحبي ماكفا
التمس لك عذر ... لو كان ما أنت معذور
وان جحدت الموده بان لك ماخفا
ايوه
ايوه قلبى عليك التاع
مايحتمل غيبتك ليله
عساه عساه مايرتاع
عليك يانافل ٍ جيله
غنيت يابو عيون وساع
من غيرك اقصد واغنى له
معذور لو صرت بك طماع
من حبكم مالنا حيله
القلب من يمكم نزاع
لوحاولو صعب تحويله
مانيب من عاذلى سماع
والله ماقطع مواصيله
من لام راعى الهوى خداع
سيور الايام تبدى له
ماضاع عمرى معك لو ضاع
ماضيه والا مقابيله
سلمت لك خافق ٍ جزاع
عساك يازين تاوي له
الصورة مخالفة
كل مانسنس
كلما نسنس من الغربي هبوب حمل النسمة سلام
وان لمحت سهيل في عرض الجنوب .. عانق رموز الغرام
لك حبيب ما نسى .. كلمته دايم عسى
اطلب الله وارتجيه .. صبح يومي والمسا
كل زين اشاهده وانتم بعيد منوتي ليتك معي
وان سهرت الليل اهوجس بك واعيد هل لاجلك مدمعي
وانت هاجس خاطري .. وانت فرحة ناظري
يا قريب ويا بعيد .. فيك امس وحاضري
نشوتك تلعب مع قطر المطر .. وانتشى قطره معك
والسحاب يطاردك بين الشجر خالق الزين ابدعك
الندى في وجنتك .. صار عطر بلمستك
والهوى غنى طرب .. تستثيره بسمتك
كلما ضمت عيوني منك طيف يا بعد كل الطيوف
قلت ما مثلك على الدنيا وصيف لا حشا مالك وصوف
طال السفر
والمنتظر مل صبره
والشوق يا محبوب في ناظري شاب
رد النظر
خليت بالكف جمره
سعيرها في داخل القلب شباب
عز الخبر
والمهتوي ضاق صدره
يا من يرد العلم عن هاك الأحباب
طيفه عبر
ما أرسل مع الطيف عذره
هو خاطره من لوعتي ما بعد طاب
هو ما ذكر
أن الجفا فيه كسره
للخافق اللي من هوى صاحبه ذاب
يا ما سهر
طرفي على حبس عبره
اردها والوجد للدمع جذاب
دمعٍ حدر
جاله على المنع جسره
عظيم وجدي للدمع شرع الباب
يوم وشهر
عزاه والعمر مره
والناس واجد لكن الولف غلاب
الصورة مخالفة
غـريـب و الله
غـريـب والله يـا حبيبـي هـوانـا
نستعذب الأشواق ما نطفـي الشـوق
شـوقـي و شوقـك هايمٍ في سمانـا
في ناظري حيره و في ناظرك مـوق
نطـرد سرابٍ في صحاري ظـمانا
لا فيـه ميـرادٍ ولا حاصـلٍ ذوق
يـومٍ يـبعّدنـا ويـومٍ دعـانـا
ويـوم يلبّسنا خيال الهـوى طـوق
طيـفٍ يرغّـبنـا وطيـفٍ نهـانـا
فوق الثرى نمشي وحلم الهوى فوق
خيالنـا من كـل نبعٍ سقـانـا
وأيامنا تسوق عبراتنـا سـوق
ميعادنـا عند التمنّـي نسانـا
وظروفنا تزرع على دربنا عوق
لك حق تزعل
لك حق تزعل ثم لك حق نرضيك
مأقوى زعل حبيب قلبى وعينى
مادام قلبى ياأريش العين مغليك
اطلب ولك روحى ومافى يدينى
لاتنشغل مالك وزين يضاهيك
أبيك أنا لوكان غيرك يبيني
يوم الله احسن صورتك خصني فيك
فيك الجمال وصادق الود فيني
عشق
ياشين باكر يا حبيبى بلياك
لاجا وعدك اللى بوقته تجينى
لاقمت ادوج فى مداهيل ماطاك
ياما جرى بشهار بينك وبينى
هذا وهو توك تطرى بممشاك
وش لون لاقفيت يانور عينى؟
الصورة مخالفة
ابتعد عنى
إبتعد عني ماحبك وش تبي
قدرك العالي رميته في الثرى
واحسايف قوليتي لك ياحبيبي
يوم قلبي مولع بك مادرى
إنك الغادر وقصدك تلتهي بي
ون عاطفتك تباع وتشترى
إنس وقت فات مالك به نصيب
لاتذكر ،لاتذكر ماجرى
يوم هفت شمس حبك للمغيب
استرحت وعاد لي طيف الكرى