مجموعه من الصنفرات تخلي جسمك يلق لق للعرايس وغيرهم

صباح الخير على محبات الجمال 00
عارفه أنكم زحمه عالباب تبون تعرفون صنفراتي لووووول بالدور حبايبي بالدور مانبي ضحايا وجرحي نتيجة الجري ورى مواضيع فارسة حواء عارفه عارفه
وهـ يابنات اليوم لقيت نفسي فاضيه قليل قلت خليني أفيد حبايبي بعالم حواء بصنفراتي اللي والله يابنات
خلت جسمي روووووووعه يلمع ماشاء الله بس يبيلها مداومه وأهتمام موتجيني وحده من يومين ولا ثلاثة تقول عادي لا تداوم وبعد شهر تجي تخبرني بالنتيجة اللي بتفرح قلبها وخاصة العرايس وينهم العرايس هما أهم شي عندي لوداومي على هالصنفرات بيلمعون لمعان وياليت اللي عندها صنفرة حلوة تضيفها معانا للبنات نفيدهم بها وما أوصيكم كل وحده تعجبها الصنفرات وتلاقي منها نتيجة تجي ترد هنا تبشرنا هه وأهم شي دعواتك يالغالييييييين لي في الغيب أن الله يوفقني ويحقق لي كل ماأتمناه يارب00

عارفه طولت عليكم خلاص خلاص بكتبها لكم
نبدأ على بركة الله 00
صنفراتي 00
الصنفرة الأولى00
(فكس +7 ملاعق سكر خشن + ملح+ عصير ليمونتين+ زيت لكم الحرية ياأما زيت زيتون ياأما زيت اللوز المر)00
طبع هذي أسويها قبل الأستحمام تلمع وتورد وتبيض الجسم مع الأستمرار00

الصنفرة الثانية 00
(فكس + فازلين + صابونة دووووف الوردية نبشرها ونخلطها مع ملعقتين من الفكس والفازلين )
وعند الأستحمام نبلل الجسم وناخذ من الصنفرة وندعك الجسم تخرجون تلمعون في نفس الوقت ياحليلكم

الصنفرة الثالثة 00

نخلط صابون مغربي مع نفس المقدار شبة بيضة وناخذ من الخلطة وندهن الجسم ونتعرض للبخار أو الساونا هذي الخلطة تنزل جميع الخلايا والشوائب الميتة وتلمع الجسم وتورده 00

الصنفرة الرابعة 00
خليط متساوي من الصابون المغربي الأصلي مع مقدار مساوي له من صنفرة كاب ويدهن بها الجسم عند الأستحمام وتتعرضون للبخار أو الساوناونفس الشي تنزل الجلد الميت وتلمع وتورد وتبيض الجسم
وهذي الصنفرات الأربعة تنفع للعرايس يابنات لأنها تجدد الخلايا وتلمعها ودايما أعطيها لصديقات العرايس ويدعولي عليها 00
يلا لولقيت تفاعل مع الموضوع بنكمل بخلطات أرووووع وأروووووع المهم تنال على أستحسانكم وتفيدكم ودعواتكم ياحلووووين واللي عندها أضافة أوأفادة للموضوع لاتبخل علينا لأثراء الموضوع
ولاتنسون اللي تجربها تعلمنا بالنتايج
منقول للأخت فارسة حواء