محادثه زوجي ويا صديقه جرحتني حيل ,, //اكتفى من الردود

السلام عليكم ..

الان قبل شوي رحت اجيب جوال زوجي برسل رساله لاختي لقيته مخبيه تحت مخدته .. تذكرت انه بعد ما راح ينام كنت رايحه الغرفه اسوي رضاعه لولدي لما قربت من الغرفه الا

واسمع صورت صقعه الجوال في الخشبه اللي عند الراس في السرير و زوجي مسوي نفسه نايم قعدت اضحك واقول له يا نصاب كفشتك مسوي نايم وفضحك ربي مستعجل بتخبي

الجوال ومن الحماس لما دخل الجوال تحت المخده صقع في الخشبه وجلسنا نضحك عليه وهو يقول لي جالس اتلاسن مع واحد خويي ورب البيت ما جا في بالي بنات ابد رغم انه

ياما لقيته يكلم بنات وانتهت الامور انهيتها بطريقتي وفعلا خلاص بطل .. المهم لما رحت اجيب الجوال لقيته مخبى تحت المخده تذكرت السالفه وبعد ماكلمت اختي فتحت المحادثات

لقيته متكلم ويا خويه وفعلا متلاسن معاه وانا من وقت ما قال لي صدقته لكن الخيبه والجرح من الكلام اللي قبل الملاسن .. خوي زوجي ذا من منطقه غير منطقتنا .. احنا حجازيين ..
المهم خوي زوجي كان حاطط صوره بنته و زوجي قال له بنتك لولدي ومن هالمزح وشوي الا زوجي يقول والله الـ .... احلى ناس وفيكم الجمال في بناتكم وعيالكم وانا كنت

خاطب بنت جارتنا اللي قبيلتها كدا وكدا ( من نفس منطقه خوي زوجي) والله جمال مو اي كلام بس طلع خاطبها واحد قبلي وجالس يمدح في جمالهم .. خوي زوجي رد عليه

وقال له كلنا تزوجنا غير اللي كنا نتمنى والمهم انك تكون سعيد وراضي بفلانه .. واللي زاد قهري انه زوجي ما قال ع الاقل اي والله راضي ولا سعيد او مدح فيني نص مدحه .. جلس يكمل مدح في بنات جيرانهم وجمالهم ووووووو

اللي بترد وتقول مين قال افتحي الجوال توفر على نفسها رجاء لان الظروف اللي بيني وبين زوجي خاصه ماحد داري فيها ..

بنات من حقي اتكدر صح ؟ وانا والله ثم والله ثم والله اني انسانه غيرتي ضعيفه جدا ما اغار على زوجي رغم انه عمله مكان مختلط ورغم انه خانني كثير لكن مني غيوره نادر جدا اغار وهالمره والله مو غيره لاتحسيونها غيره بس منقهره انه مدح في البنت ولا ذكرني ولا بحسنه وحده :44:

انا انسانه رائعه .. اقولها بالفم المليان كمان .. انسانه رائعه وهو محظوظ فيني .. هو بالمقابل انسان رائع وانا محظوظه فيه ..

معقوله بعد كل الحب اللي بيننا لسى يتمنى انه كان من نصيب فلانه !! معقوله بعد كل هالعشره !!

لا حول ولاقوه الا بالله