محاشي

و عليكم السلام

كوسا محشي

المقادير انت تقرريها حسب حجم عيلتك

كوسا مفرغ و مغسول و منشف

ارز عادي مغسول(عادة الارز نقدر كميته كالتالي نعد الكوسايات كم واحدة و على عددهن نكمش برؤوس الاصابع ارز بهالطريقة بيبقى الارز بالحشوة مذرذر)

لحمة مفرومة ناعمة

بهار

ملح

سماق

راس ثوم كبير

زيت نباتي

2بندورة مفرومة كتير ناعمة

شراب البندورة(الكمية حسب الرغبة و اذا كان كتير بكون الزوم اطيب)

كيلو ريش(اضلاع صغيرة) كاملة

الطريقة

نخلط الارز و اللحمة و التوابل و شوية زيت و البندورة و نحشي الكوسايات و نخلي ثلث الكوساية فارغ حتى ما ينفشو و يطلعو خارجها و بالتالي ما يتفجرو الكوسايات

نقشر راس الثوم

نحط الريش(مغسولين طبعا)بارض الطنجرة و عليهن الثوم و نرتب الكوسا و نحط عليهن صحن مضاد للحرارة و نحط عليهن ماء غمرتهن مع ملح و زيت و نحطهن على النار و لما يغلو نكون حلينا شراب البندورة بشوية ماء و نحطه على الكوسا و نغطيهن و نتركهم على نار اكتر من خفيفة بشوي و نوقت لهن ساعة

و نفس الشي لورق العنب(طبعا الحشوة و التنظيم)

الملفوف

ملفوفة مقطعة و مسلوقة

لحم مفروم ناعم

ثوم مهروس

ثوم حب مقشر

ارز عادي مغسول و مصفى

بهار

ملح

سماق(او نعناع يابس ناعم)

عصير حامض

بندورة مقطعة دوائر

بندورة مقطعة مربعات كتير صغيرة

زيت نباتي

عظام كاملة مغسولة او ريش او قطع لحم كبيرة مسلوقة

الطريقة

نخلط الارز و اللحم والزيت و البهار و الملح و السماق او النعناع اليابس(و ممكن تجربيه مرة بسماق و مرة بنعناع و تشوفي شو بيعجبك)و البندورة المربعات و الثوم المهروس و نخلطهم جيدا

و نلف اوراق الملفوف

للترتيب بالطنجرة

في الاسفل نضع اللحم او العظام او الريش و فوقه طبقة ملفوف و ثوم حب بعدين طبقة بندورة دوائر و بعدين ملفوف و ثوم و هكذا حتى يخلصوا و تغطيهم غمرتهم ماء و ترشي عليهم ملح و تصبي شوي زيت و تضعي فوقهم صحن كبير مقاوم للحرارة و تتركيهم يغلو و بعدين تغطيهم و تخفضي الحرارة(بعد نصف ساعة يضاف عصير الحامض) شي ساعة حتى ينضجوا(في ناس تحطله معجون طماطم انا لا استعمله مع الملفوف)

و صحتين

منقول
طريقتي في ورق العنب لذيذه ومميزه ...والحشوه في الفريزر
السلام عليكم


اليوم بقولكم طريقة ورق العنب مالتي اللي سالتني عنها جم عضوة واللي كلمن ذاقها مدحها
اللي علمنياها وحده مصريه الله يذكرها بالخير بس انا غيرت فيها واجد واضفت لمساتي وصرت احط زيت زيتون بدال السمن وغيرت مكونات واجد وصدقوني بدون مبالغه لذيذه وتصلح للتقديم كمقبلات وحاره كطبق ساخن

اول شي بقولكم خلطتي وميزة هالخلطة انها تنحط بالفريزر حتى لو شهر ولو تنطبخ مايتغير طعمها وهذي ميزتها تريحكم وتوفر وقت لان ورق العنب متعب

وعلى فكره توني سويتها عشان اعرف المقادير لاني قبل ماالتزم بمقادير بس علشانكم وعشان اكتبها لكم بس لاتخترعون من كثرة المكونات لانها تكفي من 3 الى 4 طبخات

مقادير الحشوه ( تنحط في الفريزر او تتسوى على طول ) :

- 15 طماطه كبيره بالخلاط ناعم
- 10 بصلات بالخلاط ناعم ( السر في كثرة البصل )
- 16 مكعب ماجي ( هو اللي يحلي الطبخه وهذا السر لاني ماحط ملح كلش )
- 2 كرتونة او علبة صلصة طماط ( كي ديدي او السعوديه او اي ماركه حلوه لونها احمر )
- تقريبا 2 قلاص زيت زيتون او اكثر او اقل حسب الرغبه ( انا احبه لانه يعطي طعم رهيب )
- ملعقة كبيره ونص كمون ناعم
- ملعقه كبيره فلفل اسود او حسب الرغبه
- ممكن تضيفين فصين ثوم بس انا مااضيفه دايما ( اليوم ماضفته )
- عصير 3 ليمونات او اكثر حسب الرغبه

الطريقة :

- في جدر كبير نصب زيت الزيتون ونضيف عليه البصل ونقلب فيه تقريبا دقيقتين على نار متوسطه( يفضل ان زيت الزيتون يكون اكثر من البصل عشان مايحترق البصل)
- نضيف الطماط وباقي المكونات ونقلب فيه تقريبا 10 دقايق او اقل او لين ينضج الطماط على نار متوسطه لين يذوب الطماط لكن لاتخلينه ينشف ديري بالج

الحين انتهت الحشوه خليها تبرد وقسميها في علب تتسكر وتنحط بالفريزر ( تقريبا تكفي 3 او 4 طبخات مع العلم ان كل طبخة تحتاج 2 قلاص رز صنوايت ولازم الحشوه تكون اكثر من الرز )

ملاحظه :

لاتضيفين الرز نهائيا حطيها بالفريزر وخلاص

قبل الاستخدام طلعيها لين تذوب وطبعا اذا بتسوين طبخه قبل الفريزر كيفج

مقادير ورق العنب :

- علبة ورق عنب
- 2 قلاص رز صنوايت
- شدة بقدونس كبيره مفرومه وشدة كزبره خضره كبيره مفرومه و شدتين شبنت كبيره مفرومه ( والله مايحلي المحاشي وورق العنب غير الشبنت )
- تقريبا قلاص زيت زيتون
- تقريبا عصير 2 ليمونه او 2 ملعقه كبيره دبس الرمان
-مكعبين ماجي
-ماي للطبخ

طريقة ورق العنب :

1- ناخذ الحشوه سواء المذابه او الطازجه ونحطها في مصفاة تقريبا نص ساعه وكل شوي نقلبها عشان ينزل الماي لان كثرة الماي يخرب ورق العنب وعشان استفيد من الماي بالطبخ

2- في جدر نحط 2 قلاص رز صنوايت ونضيف عليه الحشوه بحيث تكون اكثر منه

3- نحط شدة بقدونس كبيره مفرومه وشدة كزبره خضره كبيره مفرومه و شدتين شبنت كبيره مفرومه ونحرك كل المكونات في ملعقه شوي شوي عشان الرز مايتكسر

ملاحظه :

اذا كنتي مستعجله وتبينه بسرعه يخلص ممكن تحطين الحشوه على النار قبل لاتحطين الحشوة في مصفاة لين تنضج الحبة نص نضجه


4- نحشي ورق العنب بالطريقه العاديه ونرصه في جدر فوق شرايح بطاط

5- بعد مانخلص اللف نصب تقريبا قلاص زيت زيتون او اكثر او اقل حسب الرغبه

6- نضيف عصير 2 ليمونه او 2 ملعقه كبيره دبس رمان حسب الرغبه فوق الماي اللي صفيناه اول شي مع حبتين او حبة ماجي حسب الرغبه ونغليه غلوه وحده على النار عشان يذوب الماجي ونصبه فوق ورق العنب

7- نغطي بغطا جدر اصغر ونحط فوقه ثقل ونحطه على نار عاليه لين يغلي

8- نشيل الثقل ونغطي الجدر بالقصدير ونحطه بالفرن على نار هاديه من ساعه الى ساعتين

ملاحظات :

- لاتكثرين الماي خليه فوق مستوى ورق العنب بشوي

- ممكن تسوين فيه الكرنب والمحشي بس ضيفي مع ماي الطبخ نص كرتونة صلصة طماط او كرتونة اذا جدرج كبير وحطي زيت ذره فوق المحشي بدال زيت الزيتون او حطي سمنه

بنات امانه عليكم سووها وادعولي لان هالوصفه اعتبرها سر وماكنت اعطيها لاي وحده لاني ماكنت اعرف المقادير بالضبط ولان مو اي وحده تستاهل

مشكوريييين حبايبي

مشكوريييين حبايبي