محاشي بالصوص اللذييذ🍆🥫❤️

مسائكم رضا وتوفيق من الرحمن😘
رجعت لكم بطبق بعد لذييذ 🤤😋 مافيه احد منا مايحب المحشي لكن هالمره جايبة لكم محشي طِعممم مره👌🏻
المقادير :
بصل مقطع مكعبات صغير
طماطم صغير
حزمة كزبرة بقبضة اليد وحزمة نعناع بنفس الكمية
دبس رمان وصلصة طماطم مقشرة ومعجون طماطم
كوسا وباذنجان وبطاطس
رز مصري منقوع بمويه بارده
بهارات وكركم وهيل وقرفة مطحونه
ملح
لحمه مفرومة (إختيارية)
الطريقة :
شوحي البصل والطماطم الصغيرة الى ان يذبل ضيفي عليهم الرز واللحمة وشوحيه وضيفي عليه البهارات والكركم والهيل والقرفة المطحونين والكزبرة والنعناع ومعجون الطماطم والطماطم المقشرة وشوية ملح وقلبيهم وخليه لما يتسبك الصوص ويصير الرز نص استواء ومتشرب الصوص
حطي بقاع القدر بصل او بطاطس حلقات وحطي عليهم الخضار بعد ماتحشينهم
وجهزي الصوص السر😋♥️ زيت زيتون ونص ليمونه ودبس رمان 3ملاق وكاسين مويه دافيه وملح وملعقتين طعام معجون طماطم وخلطيه على البارد وصبيه بالقدر وحطيه على النار ( طبعاً المقادير على حسب الكمية زيدي) وخليه يطبخ ساعة ونص الى ساعتين اذا كانت الكوسا كبيرة وزيديه مويه ودبس رمان اذا حسيتي انه يحتاج 🥫❤️..
وهذي صورة طبقنا اللذيذ الصورة تتحدث ماشاءالله😘
https://www.0zz0.com]http://www10.0zz0.com/2018/09/26/19/570204416.jpeg
ولاتنسوني من دعواتكم الله ييسر لي أمري ويحقق لي مطلبي😘 واسعدووني بتطبيقاتكم الجمييلة💕💕