المقادير:كوسا،باذنجان،فليفله
ارز صنوايت
(ملاحظة قبل لا ابدا ،لكل كيلو باذنجان،او كوسا،او فليفله 1 كوب ارز ازا كانت الخضار حجم صغير وكل ماكانت اكبر بتقدري تزيدي المقدار)
5 حبات طماطم وسط مفرومه ناعم
حزمه بقدونس مفرومه ناعم
5 فصوص ثوم مفرومه ناعم،2 حبة بصل مفرومه ناعم
ملح .ملح ليمون.بهارات مشكله.كزبره مجففه.ثوم مطحون رشه خفيفه.فليفله حمراء مجففه مطحونه.معجون طماطم
لية خروف ربع كيلو (الشحم ان شاء الله بتعرفوها😁)
الطريقة:
نخلط الارز والطماطم والبقدونس
بمقلايه صغيره نقلي البصل والثوم بربع كاسه زيت نباتي لحتى يصير لونهم ذهبي ونضيف لها ليه الخروف(الشحم) ونقلبهم دقيقتين.
نضيفهم فوق الارز ونضيف لهم خلطه البصل والثوم والبهارات والملح ونخلطهم تماام
نحشي الكوسا والباذنجان والفليفله ونصفهم في الطنجره (ازا بتحبو تحطو قطع لحمه بالعظم )وتصفوا المحاشي فوقهم وتذوبو معجون الطماطم بمي وتضيفو اله شويه من البهارات والملح يلي كتبتهم فوق بتعطي طعمه لذيذة للمرق وتصبوها فوق المحاشي لحتى تغطي كميه المحاشي .وعلى نار وسط لحتى تستوي يعني تقريبا بدها ساعتين.
الافضل بتحطو فوق المحشي ثقاله وازا ماعندكم تقدري تحطي صحن وتعبي طنجره صغيره مي وتحطيها فوق الصحن وتخلينها لحتى يكبس المحشي ومابيفرط معكم وصحتين الف عافيه 😊.
