حبّيت أشارككم اليوم بطبق لذيذ جدّاً و سهل لو ركزتوا معي ،
الا وهو "محاشي خضار مشكله" و هو كويس للنباتيين طبعاً ،
نبدأ بسم الله ،
المقادير /
6 بصل ، 4 طماطم (و 6 اذا كانوا صغار) ، نص علبة صلصة طماطم ، 6 مكعبات ماجي ، ملعقه كبيره كمّون ، ملعقه صغيره فلفل أسود ، زيت بزياده شوي (لأن الزايد منه بنستعمل بعدين) ، 3 كاسات رز مصري ، حزمة كزبره ، حزمة بقدونس ، حزمة شبت .
و بالنسبه لمقادير
"مرقة الخضار" (اللي بينطبخ فيها الخضار) /
2 ماجي ، الزيت الزائد عن الصلصه ، ملعقه صغيره كمّون ، ملعقه صغيره فلفل اسود ، ماء كافي
الطريقــه /
1. نطحن البصل في خلاط كهربائي.
2. نحمس البصل مع الزيت في قدر .
3. نطحن الطماطم في خلاط كهربائي .
4. نُضيف الطماطم المطحون و الصلصه الى القدر اللي فيه بصل .
5. بعد مايتسبّك الطماطم و البصل و مايبقى الا زيته (لازم يكون ناشف تماماً من الماء وهذا سر هالطّبخه) ، ثم نضيف البهارات و الماجي.
ثُـــمّ
يُـــتـــبَـــع
7. نصفّي الصلصه من الزيت الزايد ولا نرميه (بنستعمله بعدين) .
8. ثم نضيف للصلصه البقدونس ، الكزبره و الشبت المفروم ناعم .
9. لما تبرد الصلصه نضيفها للرز المنقوع .
10. و نخلط زين .
11. بعد ماخلطنا الصلصه بالرز ، نجهّز الخضار و نبدأ نحشيه بس حبّيت أنبهكم إن لب الخضار لا ترمونه (بنستعلمه بعدين أيضاً) .
12. نجيب الزيت الزايد عن الصلصه ونحطّه في قدر و نضيف له لب الخضار اللي سوينا قبل ، و يكون هذا فرش للخضار ، ثم نرص فوقها الخضار المحشي .
يُــتـــبَـــع