محاضرة نفسية 😆😆😆

بصدق، بصدق .. انا ممتنة لهذا المنتدى بأغيب لظروف شخصية وإن شاء الله مايكون آخر يوم لاني لما سجلت بالمنتدى شاركت يومين ونسيته شهور ايام كنت حامل وان اراد الله يكون لي عوده ..


رغم انها ايام قلائل ماتتعدى اصابع اليدين لكنها ايام جد ريحتني فرغت فيها طاقتي وكبتي ..


ماندمت على مشاركة وحدة لكن ندمانه ومتعذبه من سطر كتبته في احدى المشاركات من كم يوم أسأت فيها الى أمي واتمنى لو أقدر أعدل وامسح السطر او اني كتبت جنبه بين قوسين (الله يسامح أمي وما أحلل أحد يدعي على أمي او يسب او يتكلم عنها بسوء حتى لو بينه وبين نفسه) سامحني يا رب .. رجاء يابنات اي وحده منقهره لا تشكي عن امها او ابوها صدقيني راح يتعذب ضميرك، انا مو ندمانه على الموقف اللي كتبته كان لابد اكتبه وضروري اكتبه لانه فرصة وجاتني ولا ابي الموقف يقعد اسير ذكرياتي الى الابد كتبته على امل أخفف الالم


سبحان الله مع ان كلها كم يوم الا ان كل مواضيع الماضي ومواقف حياتي عارضتني .. ظاهرة غريبة وكأن المواضيع جات عشاني سبحان الله وكأن ربي رايد لي ما ارجع الا وصدري صافي من الهموم والذكريات اللي قتلتني وطبعا ماخليت ولا فرصة تضيع كتبت كل موقف وكل المشاكل القديمة والجديدة اللي مأزمتني في حياتي ومعذبتني إلى اﻵن .. من عمري 6 سنين إلى يومي ..


نصيحة من مجربة .. عبروا .. اكتبوا .. حرروا عن الذكريات القديمة اللي متعبتكم .. الماضي .. حتى طبع فيكم مو عاجبكم تكلموا عنه ..


انا لو عبرت عن طبع شين فيني سواء كلام او كتابة سبحان الله تمشي الايام والاقي الطبع الشين اختفى بلا سبب وكنت استغرب احسب نفسي تعاندني، لكن تفسير هذا الأمر في علم النفس : انك اذا عبرت عن نفسك اذا حررت ذكرياتك اذا تكلمت عن طباعك .. نفسيتك راح تتحسن وأنت نفسك راح تتبدل .. واذا حررت عن الذكريات المؤلمة بتصير أخف وقع وألم ولاعاد بتعكر عليك ..


مشكلتكم هنا كثير يفتحون مواضيع مالها هدف او داعي مواضيع حتى استحي ارد عليها سلفتي قالت .. حماتي سوت .. اختي قالت ...


يا الله كفاية يا بنات ياليتكم تشكون عن مشاكلكم النفسية، تحررون عن ذكرياتكم القديمة المؤلمة، تعبرون عن طبع فيكم تبون يتعدل .. تجي الوحدة يصير معها موقف عادي من المواقف الاجتماعية المعتادة وتجي هنا تهولها، مادري وش المطلوب منا اذا سلفتك سوت وقالت وعملت والا حماتك؟


الحمدلله قلت كل اللي نفسي فيه وهنا ينتهي قلمي 😆😆😆😆😆😆😆


في أمان الله ...