محاظرة عند جارتي .. وبالصور بعد

السلام عليكم ورحمة الله وبركاته

ارسلت لي جارتي دعوه ان عندها محاظره دينيه في بيتها ..انا بصراحه خفت اروح بما انها بالبيت .. لو انها بمكان عام افضل
المهم طلع ان زوجي واهل زوجي يعرفونها وواثقين فيها
توكلت على ربي وعزمت اروح
بس ما قدرت اروح يوم الاربعاء .. سبحان الله عشان ربي عارف وش كثر كنت اتمنى اروح من كل قلبي .. دقيت عليها بعتذر وتحسفت اني ما جيت .. قالت بيعيدونها اليوم بعد ونفس المحاظره .. سبحان الله فرحت من كل قلبي
يارب لك الحمد

المهم
بدأت اجهز اغراضي بعد الفطور ( كنا صايمين افطرنا وعلى طول قمت تحممت ولبست وجهزت اغراضي )
هذه اغراضي << لا تلومونها تحب التصوير ولا ومشتريه كاميرا جديده .. يعينكم الله .. وبعد احب واعشق ذا المنتدى ابيكم بكل لحظه معي وتشوفون كل شي كاني معكم




1.. دفتر صغير عشان اكتب اللي استفيده من المحاظره عشان اكتبه لكم .. يعلم ربي والله شهيد على كلامي ابي لكم الخير مثل ما تمنيته لنفسي ولاهلي
2.. وقلمين عشان خفت لو واحد خرب يكون الثاني جاهز <<< بنت امهاااا :hahaha:
3.. مناديل .. عرفت نفسي اني راح ابكي .. هههههههههههههه

وركبنا السياره انا وزوجي وعنننننننن على بيت جارتي .. قرييب مره
وياسلام على اللي شقته
يابنات وربي بيتها قصر .. رااااااائع بمعنى الكلمه كبير واثاث روعه .. بصراحه ( انا اعرف كثير راح ينتقدوني ) .. على بالي كل الملتزمات لبسهم عادي وبيوتهم عاديه .. لكن هذه ( وما ازكيها على الله ) ملتزمه لابعد حد وبيتها وربي وربي قصر ما شاء الله
المهم وعننننننن دخل زوجي السياره بالحوش لين باب البيت .. والحوش شي ثاني .. ما كأني بالسعوديه الحوش خيال شي يشرح الخاطر تمنيت لو المحاظره بالحوش احلى .. بس يقلون برد على الكبيرات بالسن

المهم دخلت .. عرفتها بنفسي .. ( انا فلانه ) .. انا صح جارتها بس ما نعرف بعض <<< توها جديده :35:
بدأت اعرفها بنفسي انا (بحبوحه ) ههه انا فلانه جارتك .. فجأة وبصوت عالي .. انت ( اول حرف من اسمي ) + مور .. ههههههههههه عاد حلوني اذا فهمتوها .. تقصد تدعليني ( دلع اسمي ) المهم اي انا فلانه بدأ الترحيب ( ياهلا بأحلى واصغر جاراتي ) كككك احم احم .. وقالت تفضلي تفضلي .. وانا امشي يا أرض إنهدي ماعليـــــك قدي وقلبي يتراقص يابحبوحه يا آبهه ايه العظمه دي كلها ... ههههههههه امزح امزح ياحلو ذي الكلمه
المهم
جلسنا شوي عاد وسوالف حريم وشوي بدأت المحاظره

وهذه مقتطفات من اللي كتبته لكم
اول شي شوفوا دفتري اللي كتبت لكم فيه
بس اللي تعلق على الخط وتقول مو حلو .. اذبحها ياويلها .. اصلا انا اهبل مو لازم يكون خطي حلو .. هههههه





المحاظره كانت عن السعاده .. ( بس السعادة الحقيقيه )

قصه اختصرها لكم ..
قال رجل لزوجته والله لأشقينك
قالت الزوجه في هدوء ( شوفوا اسلوب الحوار لو وحده مننا قامت هواش على زوجها ) لا تملك ان تشقيني ولا حتى تملك ان تسعدني .. لانك لا تملك هذا الشي الذي به سعادتي وبه شقاي
لو كانت السعاده في راتب لحرمتني منه
ولو كانت السعاده في حلي وزينه لحرمتني منه
وقال لها الزوج ما هو ذالك الشي الذي لا املكه
قالت في يقين
اني اجد سعادتي في ايماني والايمان في قلبي

يتبع ..