اخباركم ان شاء الله علومكم تمام
حبيت اقولكم قصتي في المحافظه على البيئه خخخخخخ<<<حسيت اني عضو فعال في المجتمع
قبل كم يوم جاب لي زوجي :arb: اكياس الوان منها الاخضر والاصفر والاحمر قلت له وش ذا
قالي هذي اكياس تدوير المنتجات سواء كان بلاستك او معادن او زجاج قالي عشان تاخذين اجر في البيئه خخخخخ طبعا هذي علامة التدوير الموجوده تقريبا في كل العلب
المهم شنيت حمله على البلاستيك الي عندي <<<وطلع ياااااااااااااكثره موجود عندي
والمعدن والزجاج
طبعا البلاستيك يشمل قوارير المويه والاكياس كلها وقوارير الداوني وشامبو العبايات وفانيش ....الخ
المعدن الي هي المعلاق حق الملابس خاصه الي يودون ملابسهم المغسله و علب الحليب للاطفال والكبار علب البف باف
واي شي مصنوع من معدن
طبعا الزجاج مثل علب الجبن الشطه والنسكافيه واذا انكسر كاس والا صحن .....الخ
وهذي بعض الصور حبيت اوريكم بالصور
طبعا هذي كلها الاخضر للبلاستيك والاصفر للأمنيوم او المعادن والاحمر للزجاج
وهذي الكيسه الخضره وفيها اللاكياس وقوارير المويه
وهذي الاصفر للمعادن وهذي المعالق للملابس
وهذي الاحمر طبعا للزجاج
"]
طبعا خليت الاكياس على جنب واي شي من هذي المنتجات موجوده عندي سواء بلاستيك او معدن او زجاج
على طول في الاكياس
وانتظر تتعبا ويرسلها زوجي للمصنع عشان يعيدون تصنيعها
ترا يابنات لوتدرون قد ايش ضررها خاصه البلاستيك خاصه الاكياس تدرون انو يجلس تقريبا 70 سنه او اكثر مايتحلل
فيضر البيئه لو تلاحظون الدول الاوربيه مايستخدمون اكياس بلاستيك في البقالات والسوبر ماركات
يستخدمون ورق الي لونه بني لانو افضل للمحافظه على البيئه
واسعار الاكياس تقريبا بـ 12 ريال وفيهم كثير بس مو مكتوب كم يمكن 40 او 50 حبه طبعا هو ماخذهم من سوبر ماركات جنب عمله واتوقع موجود في السوبر ماركات الكبيره
ان شاء الله الموضوع عجبكم ومشكورين للي نورو موضوعي
:):):)