محاورة بين سعوديه وفرنسي رهيبه لالالالاتفوتكم

محاورة بين سعوديه وفرنسي رهيبه لالالالاتفوتكم

بسم الله الرحمن الرحيم
السلام عليكم ورحمة الله وبركاته

جايبه لكم اليوم قصه لبنت اسمها منيره تمثل عن حال كثير من بناتنا لما يسافرون للخارج سياحه ولا مرافقت مريض , القصه تعبر عن مغزى يليت إنكم تقرؤون القصه جيدا حتى تستطعون أن تخرجون المغزى الذي في القصه
سوف اترككم مع القصه وياليت من يكتب رد يكتب ما هو المغزى الذي في القصه
























































قرر الأب إذا نجحوا كل عياله يوديهم في الصيف لفرنسا...
انبسطت .... منيرةمرة لما سمعتهالخبر... لأنه صار لهم زمان ما سافروا...
من أربع سنين أو خمس...
المهم شدت البنت حيلها في المذاكرةوأخوانها زيها... وجت نهاية السنة
ونجحوا كلهم وسافر بهم أبوهم مثل ما واعدهم... كانت منيرة مبسوطة بس
فيه شي منكد عليها كل السفرة... ومخلي الأخلاق في النازل ...
أبوها شرط عليها ما تشيل العباية... يا عباية يا ما فيه سفر .... رضت منيرة لأبوها
راحت بالعباية والطرحة محجبة بس ... البنية أول مرة تسافر بعد ماكبرت...
كانت ماخذة راحتها أول ... لكن الحين خلاص )البنت كبرت)...
تمشوا وراحوا وجو وما خلوا قرنة في باريس ما اندعسوا فيها...
المهم العيال شبوا علىأبوهم يبون شاطئ يسبحون... ونزلت الطامة الكبرى
على منيرة!!!... وشلون تروح لشاطئ بعبايتها؟!... كيف تشوف أخوانها
يسبحون وهي لأ؟!!... طبعا ما لها إلاتستسلم وتطس معهم... راحت
خويتنا وهي مطنقرة... وبينما العيال يسبحون ويمرحون )الله يفكهم من شر عينها)
راحت هي على جنب وقعدت لحالها من زين الأخلاق (خبركم راكبتها أم العبيد)..
وقامت تمقل بخلق الله... وبينما هي كذلك (الحلوة قلبت عربي)
لمحت ذاك الشاب الفرنسي اللي موووووت... يجنننننننننن
طوييييل...ووسيييييم... وجسمه عضلااات.... ولونه برونز
وشعره متروس جل... ولابس ذيك النظارة الشمسية الماركة... طالعها هووابتسم...
بغى يغمى عليها يوم شافت صفت اسنانه... ابتسمت هي الاخرى...
قام ومن باب الميانة قرب.. فقرب .. فقرب لين ارتز جنبها... هي لا تسألون عن حالها
مسيكينة... منسبهة... متنحة... وفي نفس الوقت مستحية... وبعد متوهقة
خايفة يشوفها أبوها تحاكي ذا الاطخم يقوم يسفرها لديرتها دايركت..
التفت عليها أبو الشباب وانفلت بالحكي... طبعا هي ثورالله في برسيمه ما تدبر ....
وش هو قاعد يرطن... هو شافها توزع هالابتسامات عرف إن ماعندها دبرة...
قام سألها:
do you speak English..


هو سأل ولا ما سأل بغت تحب راسه البنت...
على طول يييييس...
ودار بينهما الحوارالتالي:
أبو الشباب: أنتي من وين شكلك موفرنسية
يلعنبو المجاملة وينها رايحه هجل ذا شكل فرنسية تتشمس بعبايتها؟
منيرة: أنا من المملكة العربية السعوديةطبعا
لا تنسون إن كل هالبربرة بالانجلش.
أبوالشباب: (وهو متحمس) كيف وصلتوا هنا ؟
منيرة: وصلنا من كم يوم عادي.!
أبو الشباب: بس كيف عبرتو البحر؟
منيرة: أي بحر ما مرينا على أيبحر رحلتنا كانت دايركت الرياض باريس.
أبو الشباب: (مستغرب) يعني ما جيتو على بعارين؟؟!!
منيرة: (كن احد مدغدغها) أي بعارين انت تمزح جايين بطيارة لا
بالجديدة بعد أم شاشات (يا شين السرج على البقر)
أبو الشباب: عندكم طيارات؟؟
منيرة: إيه عندنا ليه وش فاكرنا؟؟
ابوالشباب: أنا اللي اعرف عن السعودية إنها صحراء قاحلةوالناس
يتنقلون فيها بجمال والحريم يركبون وهم متغطين على الجمال والرجال
وراهم شايلين براميل البترول...!!! الخ
منيرة: وين يا عمي وش ذا إحناعندنا كل وسائل التكنولوجيا في
ديرتنا... سيارات وطيارات وكمبيوترات..وموبايلات عاد أهم شي..وانترنت



والشوارع متطورة وترى عندنا فيصليةومملكة
(هذي بالله عليكم مب احسن تسكت تقابل فيصليتها ولا تفشلنا برى؟)!!
- أبو الشباب: اجل آسف أنا فاهم شي الواقع طلعشي أخر، بس أنتي ليه ماتسبحين؟
منيرة: مقدر اسبح لأني محجبة
ابو الشباب: اشوا انتي مو منهم؟
منيرة: من مين؟؟
أبو الشباب: الليمتشوهين
منيرة: أي متشوهين؟؟؟؟!!!!
أبو الشباب: الحريم اللي يغطون وجيههم عندكم متشوهين صح؟
منيرة: لا طبعا أي متشوهين الموضوع مو تغطية بس ديننا هو اللي فرض
علينا كذا درءاً للفتن (أبو الفلسفة) أناهناك أغطي وجهي مثلا أنت
شايفني مشوهة؟ الدين هناك بس ولكن في الخارج الله المستعان
ابوالشباب: لا أبدا أنتي جميلة ولونك حلو، بس مو حرام جميلات زيكم يضطهدون؟
منيرة: ليه. يظهدون... يظطهون..يضطهدون...المهم اللي هي من قال إن إحنا كذا؟؟؟
أبو الشباب: مثلا ممنوعين من السواقة
منيرة : مين قال لك إن إحنا أصلا نبي نسوق
كل حرمة وبنت لهاسواقها
الخاص نسوق ليه
أبو الشباب: طيب ما يقبلونكم بأيوظيفة بس مدرسة صح؟
منيرة: الدولة الله يعزه ما توظف بناتها إلا في وظايف تناسب قدراتها
بس موبس تدريس البنت السعودية طبيبة وصيدلانية وسيدة أعمالوموظفة
حكومية بس الأغلب في قطاع التربية لأنه هو الأقرب لطبيعت البنات.
ابوالشباب: بس مانعينكم عن المناصب الكبيرة مخلينها للرجاجيل بس هذا لا تقولين لا
منيرة: (أخذتها العزة بالإثم وقامت تألف)من قال كذا أصلا أنت ماخذ
فكرة مرة سيئة عنا المراة تتقلد مناصب كبيرة حتى أنابالامارة خالتي وزيرة.
أبو الشباب: متأكدة؟ أنا اعرف إنالسعودية ما فيها حريم في حكومتها
منيرة: كل معلوماتك غلط قلت لك خالتي وزيرة
أبو الشباب: شكرا على تصحيحك لمعلوماتي وبهالمناسبة أنا عازمك الليلة
على خروجة قلط أبوالشباب...
منيرة: وين عازمني؟ متشققه...
أبو الشباب: فيه بار جنب بيتناأمرك ونروح له
منيرة: ويييييين إحنا ما عندنا هالشغلات إحنا مب حقين بارات ديننا
محرم علينا الشرب والرقص والاختلاط والتبرج أولا وبعدين حرام اطلع أنا
وانت لوحدنا هذي تسمى خلوة..زين انها انتبهت
أبو الشباب: يعني ايش خلوة؟؟
منيرة: يعني بنت وولد ما يعرفون بعض ولا محرم لها يجلسون في مكان لوحدهم
ابوالشباب: طيب وأنتي الحين قاعدة معي هذي مهب خلوة؟
منيرة: لا هذا مكان عام ما فيه حواجز ومليان ناس
ابوالشباب: عالعموم أنا اكرر عزيمتي
منيرة: وأنا اكرررفضي
أبو الشباب: ترى إذا قمت ما فيه تغيرين رأيك
منيرة: لا ابد
قام أبوالشباب ومشى خطوتين وبعدين رجع لمنيرة وهي على جلستها وانحنى
عليها ونزل نظارته على طرف خشمه وطالعها بعيونه وقالها بالسعودي:

لكل بنت سواق عديتها لك بمزاجي...

لكن خالتك وزيره هذي قوييييييييية ..




اثره طلع الولد سعودي......راحت فيها المسكينه....ارجو انكم استفدتوا وبنفس الوقت استمتعتوا بالحوار...بارك الله فيكم جميعا

دمتوا جميعا بحفظ الرحمن