السلام عليكم ورحمة الله وبركاته
اليوم وجدت هذه المحاوره بين الدكتور والشيخ عايض القرني حفظه الله والشاعر تركي الميزاني (تركي 2000)
وجلبتها لكم ..
...
....
تركي الميزاني:
سلام يارمز الأدب والدين وبحـور القصيـدي=ا اللي بنيت أمجاد وصروحا ً ماتمحاها السنين
إنت بزمنا أكبر عطايا وقتنا وأغلي الرصيـد=ولا أقول غير الله يخليكـم ذخـر للمسلميـن
عايض القرني:
أهلا ًً هلا بالشاعر المقدام والشهـم الرشيـد=في حضرتك ننثر سنابل كادهـا والياسميـن
اليا ذكر تركي ذكرنا قصـة القـول المفيـد=أقطف زهور الورد من شعره على مر السنين
تركي الميزاني:
الله يبارك فيك يا اللي كلمـا زادوا تزيـد=وتبني من الأشعار ماتذهل عقول السامعين
النار فاتح بابها والموت في حبل الوريـد=لكن متى تصحي قلوب الغافلين النايميـن
:
عايض القرني:
ذكرتني بالنابغة والبحتـري وابـن العميـد=مجالس المأمون فـي بغـداد وأيـام الأميـن
معاوية نمدح علومـه ميـر مانمـدح يزيـد=وش لون نمدح من توهق حيل في قتل الحسين
:
تركي الميزاني:
هذي شهادة والشهادة منك يادكتور عيد=نبي تعلقها على جدران الزمن للتابعين
أحدا ً بهالدنيا شقي وأحدا ً بهالدنيا سعيد=تمر دورات الزمن والعاقبـة للمتقيـن
عايض القرني:
أبي أرسل الأشواق لكن كيف يحملها البريد=أحسن نوصلها وليلة عيد شـوق الطيبيـن
أرجوك خبر كل مخذول وشيطان مريـد=قبر الغزاه ديارنا وحنا عيـال الفاتحيـن
تركي الميزاني:
ضاعت حلول المشكلة ياشيخنا مابـه جديـد=إلا غرور أهل اليسار وصمت أصحاب اليمين
مدري نقول لما مضي من وقتنا ليتـه يعيـد=وإلا عليك نهل كـل الدمـع يابـدر وحنيـن
عايض القرني:
الياس ذنب وعندنـا أحفـاد المثنـي والوليـد=والشبل من ذاك الأسد وأرض الوطن كله عرين
من يعتصم بالله ربه عاش في عمـره سعيـد=يبشر بحفظ الله له ويكون في حصن حصيـن
:
تركي الميزاني:
حنا بلشنا بالقريب اللي عرض دون البعيـد=ياصعبها لا حولت مابين خشم وبين عيـن
الجرح مبطي مابرى والصبر ذاب مع الجليد=ولا أقول غير الله يعين القانتين الصابريـن
عايض القرني:
حنا تعودنا على طحن الحجارة والحديد=ولانخاف الموت لنا للجنان مسافريـن
عدونا والله مايحميـه زيـد ولاعبيـد=على جماجمهم نشيد مجدنا الباهي المتين
إن من البيان لسحرا !!
ماشاء الله عليهم تبارك الله
الأترجّه @alatrgh_1
عضوة فعالة
يلزم عليك تسجيل الدخول أولًا لكتابة تعليق.
الصفحة الأخيرة
يسلمووووووووووووووووووووو
عن جد رهييييييييييييييييييييييبه
صحت السنتهم يارب