نـــــوف

نـــــوف @nof_3

عضوة نشيطة

محاولة اختطاف فتاتين في جدة ،،، ومن أمام منزلي بعد صلاة الظهر يوم الخميس

الملتقى العام

تخيلوووووووا

بنتين ماشيين في أحد شوار الصفا بجدة

وبكامل حجابهم وبدون أي زينة ومغطيين على الآخر

حاول شابين (الله يصيبهم ) اختطافهم وسحبهم للسيارة بعد صلاة الظهر بنص ساعة

والسيارة نوعها أفالون

ولونها أخضر

موديل 2003 - 2004

رقم اللوحة ؟؟؟ 004
زوجي ما لحق غير الأرقام

والله يا بنات تخيلوا والمشكلة الشارع مكشوف يعني مو في حواري ولا في أزقة

وربي لولا رحمة ربي ثم إنو زوجي شاف الشباب يسحبوا البنات للسيارة والبنات ينتفضوا من الخوف وكان دوبهم خارج يقضي كم شغله وجا يوقف عند عمرتنا في اللفة إلا ويشوف هذا المنظر

وقام يبغى يلحق بالشباب بالسيارة ولما شافوه شردوا

وراحوا يبغو يآخذوا اللفة عشان يرجعوا للبنات بس زوجي انتبه لهم وراح عكس الشارع وقطع عليهم الشارع وخرج يبغى يكفخهم

ويوم اتناول شبشبه وجا يبغى يرميه وصقع في حافة السيارة إلا وهم فحطوا عشان يلفوا بعد ما زوجي قطع عليهم الشارع

ويوم فحطوا صقعوا زوجي بالسيارة وطار من الشارع وطار على رصيف العمارة ومادري عن نفسه

وبعد ما طاح قام وراح ركب السيارة يبغى يدور على البنات يشوفهم راحوا بيتهم ولا فينهم

ما لقيهم قال أكيد دخلوا بيتهم

تخيلوووووا

لولا لطف ربي ايش كان صار بالبنات

يا بنات والله الدنيا صارت تخوف

وربي صرت أخاف من ظلي

تعبت نفسياً ما تركوا أحدالشباب(يارب إنك تبتليهم وترد كدهم في نحرهم) إلا وضايقوه

وأختي اتصلت بي وقالتي انتبهي أمس اختطفوا ولد عمره 12 سنة

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

وقبلها مرأة خالي تقول وحدة مدرسة وهي راجعة من المدرسة اتصلوا عيالها عليها قالولها أمي ترا الكهرباء انقطعت

قالت خلاص أنا في الطريق

قاموا الأولاد خرجوا للشارع ينتظروا أمهم جوا مجموعة شباب وسحبوا الولد الكبير وأخوانه يصيحوا

والمصيبة كان في ناس في الشارع ولا أحد أتحرك

واختطفوا الولد

ولما اتصلت على جارتي أقولها انتبهي على أولادك وصار وصار وصار عند باب البيت تقولي أنا أول من سكنت واحد دق الجرس وولدي كان صغير 4 أو3 سنين فتح الباب ولما عرف انه في حرمه في البيت دف الباب يبغى يدخل عليها

في وسط العمارة؟؟؟؟؟؟؟؟؟؟؟؟؟؟؟؟؟؟

وتقولي في داخل الحي جوا مجموعة واختطفوا ولد عمره 16 سنة وتحلف إنو له سنة أمه ما تعرف فين مكانه

ولا هو حي ولاميت

وربي ما اسمع إلا بهذي الحوادث

اللهم ياكافي

بس يا بنات انتبهوا على نفسكم وعلى أولادكم

وربي يحفظكم ويحفظلكم أولادكم

وأنا كتبت نوع السيارة ورقمها عشان أشهر بذولا الشباب وافضحهم بين الناس كلهم وأخلي العالم كلها تتكلم عنهم

وبإذن الله إن ربي قدرني لأرسل برقية للأمير نايف بن عبد العزيز لأنه الشرطة وربيما لها داعي

يوم زوجي بلغ في الشرطة قالوله يمكن البنات فيهم وفيهم

زوجي قال مغطيين ولا باين منهم شيء ولو انهم كاشفين مال أحد حق يسحبهم

ليش يعني لو انا شفت وحدة كاشفة من حقي اسحبها واغتصبها

قال طيب فين البنات جيبهم لنا

ولكن ما أقول إلا حاميها حراميها

وربي حرام فيه الذقن ومطوله مسوي مطوع

حرام انه ينقال عنه إنه مسلم إذا عنده أعرض الناس لعبه

لا وقالوا لزوجي تعال اكتب محضر

قال مني كاتب عجبكم روحوا دوروه عنه بنفسكم هذي أعراض ناس وانته ما تقبلها لأختك

لكن زوجي مخطط يدور عليهم ويديهم نصيبهم اللي ما أخذوه اليوم:angry2:
90
6K

يلزم عليك تسجيل الدخول أولًا لكتابة تعليق.

تسجيل دخول

نورالكل
نورالكل
لاحول ولا قول إلا بالله

إنعدم الأمن عندنا للأسف
مسافره والجو غيم
ربي يمتع جددددددددددده بالامان وكل البلدااان يارب
هلاhh
هلاhh
يالله وين قاعدين ؟؟
بلاوي الله يحفظنا ويستر علينا ياارب
نـــــوف
نـــــوف
من أمن العقوبة أساء الأدب

هذا اللي صار عندنا بالضبط
آحلى من القمر انا
الله يستر علينا الببلاوي كثررررررررت