مرحبا للجميع...انا من لبنان وجديدة هون بالمنتدى، الي فترة بفوت عالمنتدى وبقرا المواضيع والتعليقات وكتير حبيت التعاون والمحبة والمساعدة بين الجميع. انا حابة اطرح مشكلتي وشوف كيف بتقدروا تساعدوني. انا متزوجة من ٩ اشهر، عمري ٣١ سنة، وكتير حابة احمل وجيب بيبي، عم تابع عند دكتورة من كذا شهر، طلبتلي كتير فحوصات طلعو سليمين، الشهر الماضي عملت صورة انابيب (الاشعة بالصبغة) وكمان طلع كل شي منيح وما في مشكلة، الدكتورة قالتلي انو لازم تراقبلي البويضة، رحت لعندها من اليوم ال ١١ الدورة لحد يوم ٢٣ وقالتلي ما في اباضة، يعني ما صار عندي اباضة هالشهر مع العلم الشهر لي قبلو صارت الاباضة باليوم ٢٣ يعني عندي اباضة متأخرة، المهم وصفتلي دوا orgametril, اخدو لمدة ١٠ ايام، وكمان وصفتلي أبر تنشيطية وكلوميد وابرة تفجيرية للشهر الجاي ( قالتلي أمنهن من هلق لان عندنا مشكلة بلبنان الدواء مقطوع نتيجة الازمة الاقتصادية) المهم أمنت الدوية وحاليا ناطرة الدورة كرمال روح لعند الدكتورة بيوم ال ١١ الدورة كرمال تخبرني شو بدي اعمل وكيف بدي استخدم الادوية والابر.
انا صراحة كتير متحمسة ابدأ العلاج لان كتير عبالي احمل، وناطرة ع أحر من الجمر اليوم ل ١١ لنبلش، سؤالي لالكن عزيزاتي، مين جرب ابر المنشطات والكلوميد والابر التفجيرية وكانت التجربة ناجحة؟ وهل في امل يصير حمل من اول تجربة؟
بتمنى ما كون طولت عليكن، وانا كتير سعيدة اني صرت جزء من هالمنتدى الرائع، وبانتظار ردودكن. وانشالله الشهر الجايي بخبركن شو صار معي
شكرا كتير الكن
BOUBAA @boubaa
عضوة جديدة
يلزم عليك تسجيل الدخول أولًا لكتابة تعليق.
الملاك الوافيه
•
الله يرزقك الحمل السليم المعافى 🌹
والله ما عندي فكرة بس بنت عمي نجحت معها من المرة الاولى بس ما عندي التفاصيل ربي يرزقك بالحمل السليم ويتمم لك على خير حبيبتي
BOUBAA
•
الله يرزقك الحمل السليم المعافى 🌹الله يرزقك الحمل السليم المعافى 🌹
شكرا على هالدعوة الحلوة 🌸
تولاي~•
•
كثير يستخدمها ويصير حمل من اول مره انا استخدمت الابرة بس ما حصل حمل الحمدلله ع كل حال الله يرزقك ويفرح قلبك يارب في اغلب الحريم التبويض يكون عندهم شهر وشهر لا كل شهر يختلف بس حبيبتي اذا انتي كل شي سليم الحمدلله ان شاء الله تحملي بأذن الله وكمان زوجك اذا عمل فحوصات وكل شي سليم ان شاء الله ماعليكم شي واذا ماعمل فحوصات خليه يعملها ربي يجبر بخاطرك ويرزقك ويرزقني ويرزق كل شخص محروم يارب
الصفحة الأخيرة