محاولتي الاخيرة وشعوري بالاحباط.....

بدون مقدمات انا ابي افضفض لكم لان مافي احد بيحس فيني قدكم :(
طبعا تعرفون اني توني مخلصه من الانابيب وهي المحاوله الخامسه طبعا النتيجه انه كان عندي 7 بويضات ممتازات لكن ماصار ترجيع لانه ماحدث تلقيح ولانقسامات والله يابنات جاني شعور بالاحباط والانكسار اول مره تصير معي طبعا زوجي عنده شبه انعدام بالحيوانات المنويه وشهر خمسه الماضي عمل عملية فتح للخصيه واستخرجوا عدد جيد منها وعملت انابيب فيهم وكانت الانقسامات ممتازه بس ماتم الحمل وجمدو الباقي منها الشهر هذا عملت انابيب من المجمد :icon33:وماصار فيه تلقيح ولا ترجيع الدكتور يقول الحيوانات المجمده ضعفت من التجميد ولو بتعيدوها بالمجمد اللي بقى نسبت فشلها 80% ولازم لكم فتح الخصيه في كل محاولة اطفال الانابيب وهذا طبعا يلزم تخدير كامل لزوجي لمده ثلاث ساعات:icon33:
والله يابنات جتني خيبة امل غير طبيعيه واحس ان الامور بدت تصعب اكثرمن امس وانا مكتئبه وطول الوقت ساكته مو قادرة حتى اتكلم مع احد:44: نفسيتي مره تعبت خصوصا اني المحاولتين كانو ورى بعض في شهر 5 و8 وكلها فاشله برغم اني كنت متفاااااائله والمره هذي كانوا اهلي متجمعين وكنت اروح ادق الابر وسويت السحب ولا احد يعرف منهم بشئ عشان كذا ماقدرت افضفض الا لكم :44: يمكن ارتاح بعدها لاتلوموني وسامحوني اني اطلت عليكم بالكلام
ربي لاتذرني فردا وانت خير الوارثين