محاولتي السابعه وسبب فشالها و(الحمدلله) وادعولي

بسم الله الرحمن الرحيم
اخواتي بنات حواء حبيت اكتب لكم عن محاولتي هالمره اللي ضيقت صدري:( :( :(
لكن الحمدلله على كل حال وإن لله وإن إليه راجيعون
وارجوكم ادعولي بالذريه والصبر
حبايبي ابدا في محاولتي إلي كانت كلها سلبيه ولله الحمد
عموما انا سويت خمس محاولات اطفال انابيب وهذا كان تقرير الاطباء على حالتنا إن اطفال الانابيب
هو الحل الوحيد لي انا وزوجي:::(
وكانت في مستشفى الملك فيصل وبعد مااستنفذنا عدد المحاولات تقفل ملفنا:(
لكن استمريت في المحاولات على حسابنا الخاص عند الدكتور الصباغ وسويت المحاوله السادسه ورجع لي الدكتور ثلاث بويضات لكن كانت النتيجه سلبيه :( :( والحمدلله على كل حال
وبدات في المحاوله السابعه واخذت الابر التنشيطيه مثل ماقال الدكتور وجاء موعد الابره التفجيريه
واخذتها في وقتها وبعدها رحت موعد السحب وكان الدكتور يطمني ويقول ماشاء الله البويضات مره كويسه ولكن بعد السحب تفاجات بكلام الدكتور إلي صدمني ولاول مره يسير معي كذا وطلب مني تحليل دم وجاء سألني انتي اخذتي الابر التفجيريه ولا لا قلت له ايوه اخذته في وقتها بضبط وسالت الدكتور ليه إيش المشكله قال عندك اكياس البويضات جدا ممتاز يعني 24 لكن مافيه ولا بويضه وبعد نتيجة التحليل وضح إن الي دقتني الابره ماحطت البودر بس حطت المويه حسبي الله عليها وانا كتبت لكم عشان تتاكدون لماتاخذون ابر حتى الدكتور قال لي هذي الحاله ماقد صارت الا قبل خمس سنوات وكانت مثل حالتي لان الابر غاليه مثل ماتعرفون :( : والحمدلله انا استخرت قبل والخيره فيما اختاره الله والحمد لله ملازمه سورة البقره والاستغفار
اللهم ياحي ياقيوم ارضنا بما كتبته علينا وصبرنا يرحمان يارحيم ورزقني ورزق كل محروم يارب العالمين يامن امره بين الكاف والنون وإذا اراد قال كن فيكون
لاتنسوني من دعواتكم واللهم لك الحمد حتى ترضى ولك الحمد إذا رضيت ولك الحمد بعد ارضا