محبطه جداً وامنيتي اسوق شوفوا الي دربني واحكموا 😔

السلام عليكم
بنات كانت امنيتي من زماان ومن سنوااات اني اسوق .. كنت اول مانزوجت اقول لزوجي يعلمني السواقه لكنه عصبي من مره يبيني اعرف والان سنواات على اخر طلب لي اني اتعلم اسوق ..الان وقته جدياً زوجي رافض احد يعلمني .. خليته يدربني كلما اركب ويعلمني نتهاوش تخيلوا ويصيبني احباااط .. المره الاولى علمني تقريباً نص ساعه كلما اسأله يعصب يقولي لسه بااقي مشوار طوويل على ماتوصلين لهالشي ..الان مو وقته وانا اصلا اشوف ان وقته انا بقول لكم واحكموا من الغلطان لانه بيكرهني بالسواقه .. اسوق في شارع مستقيم وفي يساري عدة لفات اقوله اذا بلف اخذ اي مسار ؟ اقصد بعد مالف يصير اروح للجهه الثانيه ؟يقولي لسه باقي عليه مو وقته .. بعدين المره الثانيه علمني على اللفات .. للعلم اني غير متمرسه يعني لسه احاول استوعب كيف اتحكم في الدركسون والبنزين والبريك يعني ممكن امشي واشوف قدامي لفه او اي شي ماعرف في اي نقطه ابتدي اخفف ادعس على لبريك .. لسه ماقدر مرره اوزن رجلي لاني غير متمرسه المهم المره الثانيه فيه عندي لفات كثيره علمني اذا بلف يسار خلاص اكون يسار الشارع بعدين الف يسار واضل يسار مااغير طيب بعدين لما سألته انا امشي في الطريق المستقيم لكن فيه لفات عندي اشوفهم يميني اخاف سياره تطلع وتصقعني اي مسار امشي عصب قالي لسه بدري وهو يصارخ .. طيب بالنسبه للفات شفت يسار شوي راح يمين ( انا الي اسوق اوقات هو يمسك الدركسون اذا عصب وشافني غلط ) المهم لما رح يمين يقولي عشان سياره لا تطلع من اللفه وتصقع شوي يناقض كلامه المهم انقهر اقوله كيف انت قلت قبل كذا .. يعصب علي ويقولي اني غبيه .. ولما امشي يمين وكوني لسه ما اوزن مضبوط اخاف اصقع زباله والا سياره اوخر شوي يعصب اني بعدت والمفروض اكون في مساري ولما احاول اكون في مساري بالتالي اصير قريبه مرره من السيارات الي جنبي او زباله او كراج يعصب بقووه يقولي ابعدين عنهم وفوق هذا كل شوي يقولي غللط الي تسوينه وهو يصارخ ويقولي بتسوين حوادث وكل شوي ويرعبني والا كل شوي يقولي هذا انتين هنا في شارع سهل ولا عام يقولي كيف اذا رحتي في شارع سريع والا كيف اجل بتركني السياره والا كيف ... وهكذا اشوف كلماته كلها احبااط وكله تصوير اني بسوي حادث اني مو عارفه للسهل كيف بعدين مع اني لما سأله عن شي يقولي لسه بدري وهو معصب .. للعلم ان كل تدريباته ماتجاوزت ٤ ساعات تخيلوا .. يبيني اضبط وازون السياره باحتراف ان غلطت في اللفه سويتها سريع لاني مو متعمده انا مو قادره اسيطر يععععصب والا اذا مانتبهت اني بحركه سريعه اناظر المرايات يصارخ والا لما الف واناظر المرات يصارخ بعد يقولي نظرته بطيئه كذا بتخلين السياره تصقع وتسوين حادث .. اقوله عارفه نظرتي مو سريعه لان كل شي علي غريب وتوني اتعلم ليش هالعصبيه .. والا يقولي تعاندي ! تخيلوا عاد بعاند ليش ؟! كونه يقولي شي ولا اضبطه والسبب اني مو مسيطره على السياره .. مو عناد انا ابي اتعلم لكن مو بهالطريقه .. اخر مره يصارخ ويعصب سبب لي احباط وضل ينفخ يقول خلاص شوفي احد ثاني يعلمك وبعدين صرت ابكي وقفت قلت له خلاص مابي اتعلم .. شنو رايكم ؟