محبوسة لكن في بيتي !! ادخلوا و احكموا

السلام عليكم و رحمة الله و بركاته ..
كيفكم يا بنات ؟ إن شاء الله مرتاحين و مستانسين ؟؟

ملييييييت من التفكير .. طفرت و أحس نفسي بنفجر .. السالفة و ما فيها إني متزوجة و ساكنة في شقة من غرفة و صالة أنا و زوجي و ولدي .. و حاسة بضيييق و ملل و طفرة لانه دوام زوجي طويل و ما نشوفه إلا وقت النوم و ما في مجال أطلع عند أي حد أو أروح زيارة أو سوق لأنه ما يرضى أطلع مع غيره و هذا لما يفضى .. و ما عندي نت {{{ لا تستغربون أكتبلكم من بيت أهلي و هذة الزيارة تكون في الشهر يومين !!!}} و حتى الكمبيوتر صارله خربان من 9 شهور تقريبا و مش راضي أبداااااا يصلحه و يتعلث بالدوام ... و بالنسبة لشغل البيت خلاااااااص أحس بتشبع و ما يملي عليه الوقت ....
المهم من هذا كله أكيد تقولون و ش تبي هذي تقصلنا قصة حياتها .. السالفة إني أريد أشغل نفسي بشي و كل الأبوب مسكرة في وجهي تجيني حالة من الانفجار ودي أكسر كل شي و طبعا الضحية في الضيق اللي أحسه و القرف و النفسية التعبانة هو ولدي المسكين ..... يا خواتي و الله إنها بالنسبة لي مشكلة عويييصة و هو مو حاس فيني و يقول هاي وظيفتكم يا الحريم { جلستكم في البيت }} !!!!!!!!!!!!!!!! طيب بنجلس و لا بنفتح حلوجنا إذا فيه ما يشغل الوقت مو كل شي خربان و كل شي ممنوع ولا يكلف خاطرة و يقول بنزلكم عند أحد من قرايبنا لحد ما أخلص من شغلي ... تخيلوا اجلس بس على التلفزيون 24 ساعة و لمدة اسبوعين ما أشوف حد و لا أكلم غير أمي يعني و الله مب حالة .. ما تلاحظون إنه السالفة كانها حبس بس في غرفة اوسع من غرفة السجن .. و الله قهر غيري يطلع عند معارفه و الصديقات و أزواجهم يحاولون يوفرون لهم كل شي عشان ما يحسون بالفراغ و الضيق و انا العكس .... كافي المكان ضيق ..و هو مضيق عليه يعني هو يطلع لو شغله و يشوف ناس و يتكل مع أحد يعني يغير جو و يقول بعد ليش كله متضايقة و طفرانة !!!؟؟؟
لا تقولون قضي الوقت بالترتيب لأنه كل شي مرتب و بشغل البيت خلاص ما أحس إنه تسلية بالعكس أنقهر يعني شغل بدون مقابل .... صدقوني ما ابالغ و هذا غيض من فيض يعني اللي تطلع و ناس يزورونها و تتواصل مع صديقاتها بعد تمل و تحس نفسها محبوسة ...شوروا علي شو أسوي و كيف أشغل وقتي و إذا عندكم تجارب و إلا حلول لحالة زوجي و تعامله معي لا تحرموني منها .....
و لكم سلامي و دعواتي .....
انتظركم لا تطنشوني لو بدعوة و كلمة حلوة ..