محبوسه في غرفتي اكثر من اسبوع

السلام عليكم بنات كيفكم
ما اعرف ايش اسوي بحياتي تعبت من هالحال
كل يوم هواش وصراخ في البيت
لا احترام ولا تقدير
كل واحد يصارخ علي
يوم الخميس اللي قبل اللي فات جايه من الشغل وفرحانه انه ويك اند يبدا وفرحانه
قلت خليني انزل واشرب الشاي مع اهلي
اول ما شافت وجهي امي تذكرت الفواتير وذكرتني بالراتب وعلي الدفع ان شاء راح ادفع
بس استلم وانا كان عندي مشكله في البنك وما نزلو راتبي
حتى ما قعدت وهواش وهواش ليش ما نزل راتبك انت كذابه
بسم الله ايش فيها علي ورحت غرفتي وانا مره متضايقه
وزعلانه على حالي اخواني الرجال ما تطلب منهم شي ولا تزعجهم
وانا كل ما شافتني تهاوش ما تتكلم معي الا على الفلوس
ودي اهج من البيت بس وين اروح مطلقه
انا شريت البيت لها ولكن ما تذكر انه البيت أقساط
وعلي قسط كبير للبيت
تصدقون يومين بالغرفه علشان ويك اند ما رحت الشغل لا اكل ولا شرب والغريب اني ما حسيت بالجوع
ولا في احد سال عني
الوحيدة اللي تعطف علي اختي الصغيره بس امي زعلت منها لانها تساعدني وتقول الحق
انا مريضه سكر وتعبت من الهواش والنكد
وهذا حالي بعد عشر أيام
اروح شغلي وارجع واحبس نفسي بالغرفه اتقاء للشر
واليوم جاينا ضيوف ووصت اختي قولي لها لا تنزلين خليكي بغرفتك
دايما امي تقول ما تعطينا فلوس وما فيكي خير
بيت وسواق وما فيني خير
قررت ما اساهم بأي شي وما اكلم ولا انزل تحت عندهم
القعده مع امي عمرها ما كانت زينه بس النقاش انتي تستلمين وراتبك عالي
علما بانه رواتب اخواني اعلى مني بكثير
واخواني اذا عطوها تراب توصله السماء وتقول يا زين هالولد
وانا ايش ما اسوي انتي ما سويتي شي
ايش اسوي اقعد بغرفتي لين متى بس
ما عندي أي امل انه امي تحبني او تحن علي
لو واحد من الاخوان ما اكل تودي الاكل لحد عنده وتقول ما اكل
وانا اكثر من عشر أيام في غرفتي
انا اليوم رحت فطرت على السريع من الجوع وعليها
ما اكلت شي ثاني
والسكر أخاف ينزل
وما اقدر اروح تحت علشان الضيوف ما يشوفوني
الله المستعان في هذه الدنيا
ليش الضعيف ينهان والطيب ما له مكان
واللي متسلط يخافون منه ولسانه طويل ما يردون عليه