مع الوقت عرفت اضبط اللثمه وارتاح لها لكن النقاب اريح جدا منها يعني بالاسبوع اتلثم مره وباقي الايام بنقاب لانه اريح وما يوجع عكس اللثمه

والصراحه احسه ارتب بس خليه قصير شوي

وبالنسبه للدراسه انا مثلك كلهم متحجبات وانا المنقبه الوحيده بس ماشاء الله عليهم خوات وطيبات والاجانب ياخذونها فرصه ويتعرفون علينا وبالعكس اغلب الي بالفصل ارتاحوا لي بعد ما عرفوني والحمد لله

اجعلي نفسك داعية لدينك واثبتي ولاتجعل الدنيا تسلبك الدين وتمسكي بحجابك

أنا ألبس عباية كتف واسعة وطويلة ,

وأطقم عليها حجابات من نفس اللون يعني عندي عبايتين رمادي وبني فاتح ,

ومطقمة عليهم ألوان حجابات عادية , وتحت الحجاب بندانه , وأنزل البندانه الى حواجبي بحيث انها تغطي حواجبي وجبهتي ويبقى عيوني وباقي وجهي ألبس لثام أسود العادي حق السعودية , وشكلي مرتب ومرييييييييييييييييييييييح وساتر الحمد لله ,

تشجعي اختي ولا تعطي للشيطان فرصة يوسوسلك وتتأثرين باللي حولك خلي لك شخصيتك وقناعاتك المستقلة مو اللي يسوونه الناس أسويه ..

الله يعينك على طاعته ويكفيك ماأهمك ..~

احناا 5 الي بمدينتي الي نتلثم والباقي حجااب وبناطيل وين عائشين مااايجوز لهم

القهر العربيات يلبسون مستررر مرره وحجاب بس والسعوديات بناطيل وحجاب ابو نفخه

شوفي حبيبتي ...سبحان الله اذا لبستي عبايتك وحاولتي قد ماتقدرين انه تكون ساتره ولا فيها زينه ...يعني عبايه طويله واسعه ..والحجاب انادرجات لون العبايه وقد ماقدر اخليها هاديه او ساده ..وتخيلي قبل ماجي زيك كذا خفتت ماضبط اللثمه او بيي يصير شكلي ملفت ...بسبعد ماجيت شفت الوضع طالع عادي ..وان شاء الله اول مانزل للسعوديه راح افصل نقابات اللي بس تطلع العيون .. العاديه اللي تكون لحاله بدون غطى نفس لون العبايه ..والله اريح ..وسبحان الله اذا كانت عباتك ساتره ...والله العظيم ..ربي ينزل عليك سكينه وراحه وثقه بالنفس ..تصدقين انا واول مالبس عباتي وطلع فيها وامر من عند امريكان واجانب احس بشعور رهييييييييييب ..شعور العزه ونعمه الاسلام ..لدرجه اني امر من عند اشخاص يناضرونك بقوه واحيانا تعليق ..فعادي اناظر فيهم ولا كانهم يتكلمون فيني ..بس اهم شي اذا جاك الشيطان وبدات الوساويس او مريت موقف محرج ..تذكريي انك تجاهدين لرضى الله وان ضحكوا عليك او علقوا تذكري كمان ان الله هو اللي خلقهم ..والله هو اللي امرتس بالحجاب...وتخيلي مره مرت من عندي وحده سعوديه ماعليها لا عبايه ولا وحجاب ولا شي ..والله عجزت اناضرها لاني حسيت اني انا اهين روحي لا شفتها ..الله يهديها ياارب .. وتذكري..حديث الرسول صلى الله عليه وسلم .(قال عليه السلام : ( إن الإسلام بدأ غريبا و سيعود غريبا فطوبى للغرباء ) فطوبى لها معنيان معنا لغوي و معنا آخر شرعي , المعنى اللغوي العربي طوبى بمعنى هنيئا لهم أما المعنى الشرعي فطوبى شجرة في الجنة كما قال عليه الصلاة و السلام :( طوبى شجرة في الجنة يمشي الراكب المجد تحتها مائة عام لا يقطعها ) ظلا و ثمار من كل الأشكال و الألوان كما جاء في الحديث )