محتااااااااااره شاسوي محتاجه لكم ساعدوني

ألسلام عليكم ورحمه الله وبركاته

مادري من وين ابتدي موضوعي بس حدي محتااااااااااره ومب عارفه شنو اسوي:(

انا الحين سنه ثالثه جامعه وتقدم لي واحد من طرف نسايبنا وعمره 23 وانا عمري 21
والحمدالله اللي تقدم لي اخلاق وجامعي ومنصب وماعليه كلام

الكل يمدح فيه من طرف اهلي
واخته اهي اللي اختارتني له

المهم الي اهني مافي مشكله

انا فيا لبدايه فرحت بالسالفه حالي حال اي بنت عاديه

وشفته وشافني والحمدالله كل شي تمام وكلمني وكلمته جدام الاهل حسيت عادي مرتاحه

بس المشكله يوم صار الصج قمت اتردد
مره اقول خلاص موافقه ومره اقول لا مابيه

واخر شي قالو لي خلاص عطينا كلمه اي ولا لا ؟؟

انا قلت لهم خلاص اوكي موافقه
لكن بعدين في اليل مادري حسيت روحي مرعوبه خايفه محتاسه وعقب رحت كلمت الوالده وقلت لها تقول لهم ما ابي الخطبه

والوالده وصلت لهم لحجي اني خلاص ما ابي









الحين يا بنات انا حدددددي متحسفه على القرار البايخ اللي اتخذته
تتوقعون مافي امل انه يرجع يتقدم لي مره ثانيه ؟؟

مع العلم انه اهله اهمه اللي شاريني ويبوني حق ولدهم وما يبون يعطونه حق بنت غيري

بس بعد مب حلوه انا الحين عقب ما قلت ما ابي اروح اقط روحي على الصبي واقوله ابيك ؟؟؟


شنو تشورون علي وربي مب عاااااااااااااااارفه شنو اسوي
متحسفه على قد شعر راسي
:( :( :( :(




لا تردوني طيبو خاطري كلمه لو جبر خاطر

ولا تنسوني من دعائكم ياربي

محتاجه حق دعواتكم الطيبه :26: