اسمحي لي اقول لك انك غلطانه وانتي تتكلمين بعاطفه مو بعقل ،،

اذا زوجك قالك تزورين اهلك مره بالاسبوع ماهو معناه انه يكرهم ولا مايحبهم بالعكس هذا حقه الطبيعي لأنك خلاص صرتي زوجته ومسئوله عنه وعن بيته وعياله يعني مو معقوله كل يوم والثاني بتتركين بيتك وتهملينه علشان امك هو له حق عليك بعد والمفروض تسمعين كلامه ولا تخربين على نفسك لأن امك بعد عمر طويل ان شاء الله بتروح ولو خسرتي زوجك بتصيرين خسرتي الثنين وبتجلسين عند اخوك تربين عياله بدال زوجته ؟؟ !! فكري فيها بالمنطق

صحيح امك لها حق والله يجزاك خير على اهتمامك فيها بس يوم بالاسبوع اشوفه كافي وتقدرين تتصلين فيها يوميا وتتطمنين عليها واذا حصل ظرف طارئ تقدرين تطلبين منه واكيد ماراح يرفض اذا شافك سمعتي كلامه ، وبعدين امك الحمد لله مادامها ماهي لحالها ومعاه اخوك هذا يطمنك ولا عليها خوف ان شاء الله اما اذا هي ماعندها احد تقدرين ساعتها تقولين ، وبعدين اخوك الله يهديه بدال مايشيل عن امه ويخفف عنها تعبها ويجيب لو ممرضه ولا خادمه تساعدها يروح يخليها تهتم في عياله !! هو عليه جانب من المسئوليه تجاه امك بعد مو كل شي عليك لحالك
وتقدرين تطلبين من زوجك يسمح لامك انها تزورك في البيت اذا ماقدرتي انتي تروحين لها او ماقدر يوديك منها تغير جو عندك ومنها تتطمنين عليها وتصيرين حليتي المشكله باسلوب ذكي وكسبتي زوجك بدون ماتدخلين معاه في مشاكل وتخربين على نفسك

رفع لعيونك والله يهدي زوجك ويعينك على بر امك 000

وعليكم السلام ورحمة الله وبركاته .. الحمد لله يا اختي لا يضيق صدرك.. نعمه تزورينها مره في الاسبوع . الله يخلييها لك .. واغلب المتزوجات مايزورون اهاليهم الا مرة في الاسبوع وانا منهم . والحمدلله .
والحمدلله انها عند ولدها . مو في بيت لوحدها لا انيس ولا ونيس معها
انتي طيعي زوجك وروحي لها مره في الاسبوع . وحاولي تقنيعه تروحين بدري
يعني بعد الفطور . واشتغلي عن امك . مثلا التنظيف الاسبوعي من مجالس وثلاجه وغسيل فوط . و عندك الطبخ سوي بعض الطبخات وفرزينيها
مثل المرق والشوربه ( عن تجربه ما تتغير ) كشني كميه من البصل لمدة اسبوع ..
عاااد انتي ااعرف با اكلكم ونمط اعمالكم المنزليه . بس غالبا الاكل المفرزن ما يتغير وخصوصا لمدة اسبوع فتره قصيره ..
واقترحي على اخوك يشتري الغسالة الاتوماتيك بتريح امك .
هذي اللي على بالي .
اسال الله سبحانه ان يرزقك بر امك ويمتعها بالصحه والعافيه وطاعة الرحمن . وان يشفي زوجة اخوك وجميع مرضى المسلمين

شغاله لازم شغاله لاامك

انتي قصدك هو مايحب يزورهم والا مايحب انك تزورينهم؟؟؟
اذا هو ما يحب يزورهم عادي..اهم شي انتي تروحي.
اما اذا هو مايحب انك تروحي..فممكن تروحي في وقت يكون هو بالدوام..علشان لايقول انك قصرتي في حقه..
وانتي حاولوا ترضي الطرفين لان طاعة الزوج سبب من اسباب دخول الجنة ..لكن برضو انه يحاول يقطعك من صلة الام هذا ذنب كبير..لان الجنة تحت اقدام الامهات..وخاصة الام لما تكبر غالبا ماتقدر تطلع ولايكون عندها اصدقاء ويكون نسبة كبيرة من اللي بعمرها توفوا..فلهذا ماعندها غيرك انتي واخوك واعياله.
تفاهمي مع زوجك بالحسنى..
وادعي ربك..وتذكري بان صلة الرحم تعطي طوول العمر.