محتاااااارة يابناااات ساعدوني الله يخليكم

السلام عليكم ورحمة الله وبركاته

بدخل بالموضوع مباااااشرة والله مالقيت الا انتم استشيركم

انا انخطبت من واحد مايقرب لي بس من معارفنا بس المشكلة اننا مانعرف عنه اي شي
يعني يادوبك ابوي يقابله بالعزايم وبس ..

انا خايفة من مسألة الصلاة لان ابوه طول عمره يصلي بالبيت بدون سبب !!
وانا اخاف انه يكون مثله او اردى !! :09:

طبعا احنا سألنا عنه بالعمل قال مديره هو وقت الصلاة يطلع بس ما ادري هو يروح المسجد والا لا:(
وقال هو طموح في عمله ومجتهد لكن كل هذا مو معهم بالنسبة للدين

وبرضه سألنا واحد يقربله قال صراااحة هو مو كل الاوقات يصليهااا لكن ما ادري هو قصده مايصليها نهائياا او يصلي بعضها بالبيت ؟؟
وقال كمان فيه صفة صراحة انا خفت منها وهي ( التكبر) استغفر الله مدري على ايش !!:angry2:
هو صراحة حتى اخواته فيهم هالصفة وهو وحيد اهله والباقين بناااات وبيني وبينكم انا ما ارتاح لهم ومرات تكون بينا حساسيات وهذا ما قد خطبوا عندنا وشلون بعد الزواج لكن امي قالت ان البنات
بيتزوجوووون وماراح يقعدون لكن اكيد تأثيرهم راح يوصل حتى لو انهم بالمريخ..
وحبيت اقول لكم اني بسكن ببيت بروحي فوق اهله وامه وابوه مرة طيبين

واكييييد بتقولون استخيري والله اني استخرت يمكن ثلاثين مرة لكن بالبداية ماحسيت بشي
وبعدها حسيت اني اميل له وقعدت على هالحال يمكن شهرين وقبل يومين حسيت بشوي ضيقة
وجاتني امي وقالتلي انهم سألوا عنه قريبه اللي قلت لكم عنه .. قلت لامي لحظتها خلاص ماني موافقة
خفت من ناحية الصلاة ومن ناحية غروروه !!

لكن الحين رجعت وقلت يمكن اني غلطااانة باحساسي ومحتاااااارة مررررررررة

انتم وش تشورون علي وهل فيه وحدة مرت بهالحالة انها ماترتاح في البداية او بعد موافقتها
وبعدين يطلع شعورها وهم وتزوجت وارتاااحت ..

انا قلت يمكن لو طلبت نظرة شرعية هو اللي يحدد موقفي انا ارتاح والا لا لاني سمعت انها هي اللي تحسم الامووووور ..
شوووري علي الله يجزااااااكم كل خيررررر

وسوري ع الاطااااااالة لكن حبيت اوضح لكم بعض الامور :)