أحزان ..لا تنتهي @ahzan_la_tnthy_1

عضوة جديدة

محتااااااره ايش اسوي مع زوجي

بسم الله الرحمن الرحيم
الى اخواتي العزيزات في هذا المنتدى هذي اول مشاركة لي
واتمنا من الله ان اجد عندكم الارشادات والمعلومات الى تساعدني
بنات انا متزوجه ل 9 سنوات واول ما تزوجة حصل لي مشكله بس من اول اسبوع من زواجنا وتصدقون لسا مأثره على زواجي الى اليوم :44:
المشكله في زوجي مع انه طيب معي وملتزم وكريم في بيته لكن مشكلته اي سالفه اسولف بها عنده يجي اليوم الثاني عند اصحاب السالفه تخيلواااااا

اول ما تزوجته يا اخواتي تخيلوا راح عند اخوه وقال له سالفه صارت بيني وبين زوجة اخوه قبل الزواج (طبعا احنا قرايب) وراح اخوه حكا السالفه لزوجته وجت زوجته خاصمتني قدام خوات زوجي وامه وكلهم يضحكون على هذا اول ما تزوجة بعدها قطعة يمين على نفسي اني ما اسولف معه وفعلا ما عاد صرة اسولف معه صارت حياتنا باااااااااااارده ما فيه شي يستاهل انك اتعب نفسي عليه وقبل سنه صار وسالني عن وحده انا عرفها وقمت مدحت فيها علشان انا اعرف انه بيوصل الكلام مع اني ما احب هذي الانسانه وفعلا وصل الكلام قلت له متى تترك هذي السوالف ما رد على
انا الحين يا اخوات عندي اطفال وكل يوم يزيد كرهي لهذا الادمي ما احبه اااكره بمعنا الكلمه لكن اتعامل معه كويس علشان انا اخاف من ربي واتمنا ان ربي يفرج كربي لما قلت لأبوي قال كلمتين والله لسا ترن في اذني قال انا ما زوجت علشان ترجعي لي يعني لين تموتين لا تفكري انك تجي تزعلي او تشكي من زوجك
انا والله محتاره كل ما اشوفه احس الدنيا تضيق على
حتى والله اني ادعي ان ربي ياخذ عمره ويريحني منه
لا وازيدكم من الشعر بيت هو دائم يقول انه يحبني وجا مره وحلفني بالله ان كنت احبه
طبعا هذا حلف بالله قلت له لا والله مااااا احبك والله يا بنات حسيت جبل انزاح من على قلبي وطالع فيني بنظره غريبه ورجع حلفني مره ثانيه قلت نفس الشي قلت لا ما احبك والله يشهد قال لي اجل ليش عيشه معي قلت نصيبي
بعدها طالعت فيه قلت يا الله تفرج همي ورجعت اطالع فيه لقيت عيونه تدمع
وقال حرام عليك وصارحته بالى في خاطري قال والله ما اعيدها قلت له قد حلفت كثير بس خلاص ما صرة اتحمله الحين احنا عيشين مثل الاغراب
اكل شرب وكل واحد في غرفه وقال لي والله ما اطلقك علشان محد يعايرك لكن عيشي حياتك مع عيالك واتركي الباقي على الله

هذي حياتي واتمنا من مرت بنفس الحاله تعلمني ايش ممكن اسوي حتى اخلص
الله يجزاها الجنه من تدخل وتدلني

20K

يلزم عليك تسجيل الدخول أولًا لكتابة تعليق.

تسجيل دخول

بنت أطيب إنسان • 13 سنة

الله يفرج همك.. ويحنن قلبك عليه وقلبه عليك وتعيشوون بسعاده ترى العمر واااحد عيشه وانا اختك وانتي مبسوطه وانشسي الكره ترى مايجيب الظغط الا كثرة الكره الحقد بقلبك..عيشي عمرك..

ام الحلااااا • 13 سنة

غلطانه حتى لو يتكلم عادي هذا طبعه صعب يتغير بسرعه

وانتي قلتي نصيبك ودام جبتي منه عيال خلاص فكري فيهم افتحي صفحه جديده معه قولي اكتم كل شي بيني وبينك
وشوف حياتنا كيف تصير وادعي الله كثير يسخره

ترا مو حل ابداااااا انتي لك حياه وهو حياه والله بكره تندمين كثر شعر راسك يلقى غيرك تقوله في اليوم ميه مره احبك يناسك وينسى طوايفك لاتزعلين هذا الصدق اكره ماعلى الرجال يحس ان زوجته تكره

ودام قال عيشي حياتك مع عيالك والباقي على الله صدقيني بيفكر يتزوج لين متى بيصبر عشان تحبينه اصحي ياختي والحقي على بيتك
اتمنى ماتزعلين مني انصحك نفس اختي

أم سيفان • 13 سنة

الحين هذا سبب يخليكي تكرهيه !!

الله اعلم بالقلوب بس

اعتقد والله اعلم عادي الكذب في مثل هي الامور

يعني لو جاملتيه كان احسن من انك تقولينها صريحة في وجهه

ام الحلوةمعين • 13 سنة

سبحان الله نسيت كل محاسنه وحكمتي عليه من عيب واحد الا نفذت القصاص

لا ياختي الشيطان لاعب براسك من قالك ان الحياة مع الزوج تجي بالكلام عن الناس

يعني ماعندك محاور ثانية يعقل

الله يهديتس وش خليتي للي ازواجهم مدمنين او عصاة وزناة او بخلاء وعصبيين

اسأل الله ان يصلح لكم الحال والاحوال

امل دنياه • 13 سنة

الله يحنن قلوبكم لبعض ويهدي سركم لبعض