>> ختام القروشة حقتي :)
كمان حبيت أقولكم إنه لا تقترحو عليا الفيلفيت
لأنه عجبني و أتجننت على كم درجة منه بس مرة غاااالي
و ما حنقدر نسويه ولا حتى في غرفة واحدة
عالأقل في الوقت الحالي :icon33:
و المعتق خلاص قدييييم
و طلبنا بويات عادية و بسيطة بس ملونة و حلوة و ما يكون فيها
حركات كتيرة و صعبة لأنها حتكلف و حتاخد وقت
و إحنا لازم ننقل خلال أسبوع إن شاء الله :44:
ربنا يسهل :44:
و إذا تقدرو توروني صور توضح الفكرة يكون أحسن :)
بإنتظار أرائكم و شكرا مقدما :26:
تحياتي ..
جــــداويــــــــة
>> ختام القروشة حقتي :)
كمان حبيت أقولكم إنه لا تقترحو عليا الفيلفيت
لأنه عجبني و...
الحمدلله يارب عدد خلقه و رضا نفسه و زنة عرشه و مداد كلماته
و الحمدلله قد السماوات و الأرضين و من فيهن .. ما قلنا شي :(
و اللون من جد نفس درجة الإسهال ما بأقولها تريقة و تشبيه مضحك
أنا بأتكلم من جد و تخيلي عاد السقف كله داير ما يدور دا اللون
و الجدران لون أخضر زي الحشيش :09:
و جوزي مو راضي يختار معايا خلاص حمقان و واصلة معاه
و ما بيتفاهم بالمررررة و كويس إنه رماها عليا و قال أختاري و خلصيني
ماني فاضي أفكر و لا أختار
و الود وده يروح محل البوية و يسحب من كل لون كرت
و يشتريها و يعطيها للبويجي و يقوله إنت أتصرف !!
يعني مرة مافي تفاهم و لا خلق :(
و شكرا على ردك :26:
* * * *
نبض الفؤاد >>
طيب أنا عارفة إنه هادي الألوان حلوة مرة بس تفكيري مشلول و مربوشة
و جات النقلة فجأة و صاحب العمارة زنقنا و عندنا مية شغلة نسويها
و إنتي عارفة الشغلة دي يبغالها روقان و مزاج
و أنا خلاص من التعب و الإجهاد ماني قادرة أتخيل ولا أفكر
و ماني قادرة أنسقها و أحط أيت لون في أيت منطقة :44:
و شكرا على ردك :26:
* * * *
فنو اللزوزة
المرايات ممكن تتحط بعدين .. بعد البوية
و يبغالها تفصيل ما حنلاقي مرايات جاهزة كبيرة بالشكل إللي نبغاه
يعني إن شاء الله ممكن تتسوى بعدين على رواقة ..
و بالنسبة للألوان أنا كنت أبغا الخربزي لغرفة النوم
بس إنتي سبقتيني بردك .. أقري إللي كتبته و أعطيني فكرة تانية :)
و ما نبغا ألوان مكررة نبغا كل غرفة لون مختلف عشان يسير تغيير
لأنه يا ناس البيت كله عبارة عن ( ســيــــب )
و شكرا على ردك :26:
* * * *
العيون الزرق >>
بالنسبة للمرايا ما عليكي أمر بس شوفي ردي فوق بشوية على فنو اللزوزة :)
و أخيرا لقيت وحدة حاسة بيا و بالخنقة إللي أنا فيها :39: