محتااااره جاوبوني الله يسعدكم

السلام عليكم ورحمة الله وبركاته، أخواتي الحبيبات عساكم بأفضل حال يا رب العالمين، أنا وزوجي هالشهر قررنا بعد مشيئة الله اننا نوقف العزل الطبيعي اللي كنا ماشين عليه علشان المباعده لان بنتي الصغيره الحين بتكمل 3 سنوات، وصار الجماع يوم 13 و14 و 16 من بداية الدوره يعني بوقت الاباضة حسب تقديري لان دورتي منتظمة وتقريبا تجي كل 28 يوم، المهم وبما اني من النوع العجول والغير صبور قررت اسوي فحص دم هرموني قبل موهد الدورة ب 10 أيام تقريبا ،ومع اني كنت حاسه اني حامل لان صدري كبر شوي وصار لين واحس بنغزات في الحلمات وأيضا احس بآلام في المبايض . لكن طلعت نتيجة الفحص الهرموني 2 بس بعني ما فيه حمل، بس الدكتوره قالت اني استعجلت في عمل الفحص شوي مع انه دكتوره ثانيه قالت انه ممكن تظهر النتيجه
فأنا اريد اسألكم اذا وحده منكم جربت الفحص الهرموني الدقيق وطلع هرمون الحمل منخفض جدا وانه ما شي حمل وبعدها ظهر انها حامل!
ومتى ممكن يظهر الحمل في فحص الدم العادي؟ او فحص البول ( تكرموا)
جزاكم الله خير