محتااارة هل اطلب الطلاااق

السلام عليكم

انا انخطبت لقريبي واستمرت خطبتنا ست سنوات وبعدها تعذرونا وبعدين رجع مره ثانيه وقالوا انه مو هو اللي قال اهله يتعذرون وانه ما احد غصبه يرجع ووافقنا وتم الزواج وبعد الزواج بفترة بدأ يتغير علي وبعد كم شهر صارحني انه بيتزوج وحده يعرفها ويحبها انا زعلت وصارحته انه مقصر معي ما يطلعني ولا يوديني السوق ولا يجلس معي بس ما حبيت اخرب بيتي اللحين لنا سنه وخلااص انا ماعاد اتحمل يسافر عمله ما يجي الا بعد اسبوعين او ثلاثه مايخرجني كلامه صار قليل اذا سافر ما يكلمني ابداا جلسنا وتناقشنا في الموضوع اكثر من مره وصارحني انه يفكر في الانفصال وما يبغانا نخلف لحد ما يتأكد كيف بتكون حياتنا مع بعض واكد لي انه بيتزوج وانه يشتغل في امر الزوااج انا يا بنات تعبت اصبحت انسانه ثانيه بس افكر سرت اقارن نفسي بالناس اقول ليش انا وش فيني

ارسلت له رساله قلت له اذا تبغانا نعيش مع بعض وتعطيني حقوقي كاملة حتى لو تزوجتها وانا ماراح اعترض على امر ربي اذا كاتب لي هذا الشئ وانك تتزوج عليه بس اهم شئ تعدل او ننفصل بس ما رد عليه

انا حاسه انه يبغى يطلقني بس خايف من الذنب

ايش اسوي يا بنات هل اطلب الطلاق والا انتظر على امل انه يتغير ولين متى اخاف يضيع عمري انتظره وبعدين يسيبني م
ا اقدر اروح معه لاني موظفه

لي كم يوم اقول هو شكله بيطلق خليني ابادر واطلبه انا حفظا لكرامتي

نسيت اقلكم انه عندي وسواس ما ادري اذا هو لاحظ هذا الشئ اشتد علي فترة الحمل بس الحمل ما استمر الله ما كتب ونزل
اللحين احس اني عاادي