محتاااره باطفالي اعطوني حلول💔💔

مرحبا اختي .. مافهمت ايش المشكلة؟؟ انتي اصلا شايلة كل المسؤلية من يوم سافر زوجك كيف تقولي انك صغيرة على المسؤلية والاطفال؟؟؟

مافي احد يصلح بينكم او يحاول يكلمه ماسبب الطلاق ؟
خليك ببيتك وهو ملزوم يصرف عليك وعلى الاطفال


اذا شغلك مكفيك ومعيشك ومرتاحه نصييييييحه لاتتركي شغلك ابدا ابدا وعيشي حياتك وهو بالطقاق
واهلك صعب ترجعي لهم ومعاك اطفال دام وضعهم صعب مابيتحملوا

اول شي خليك على وظيفتك الوظيفه بالزمن ذا سلاح
وزوجك غريب يعني شلون مسافر وتاركم كذا وماتدرين عنه شي معقوله مابلغك قبل يسافر ؟؟ هل سفرته عمل او تمشيه ولا وش بالضبط بعدين ليش فجاءه كذا قالك بطلقك وورقتك بتوصلك ؟؟ معقوله ماصار شي خلاف او مشكله بينك وبينه والله احس في اشياء انتي مخبيتها وماتبين تقولينها مو مهم تقولينها بس احس قصتك فيها غموض يعني تقولين زوجك سافر وتركك انتي واطفالك وكان الوضع عادي وعايشه حياتك وتداومين وكلشي يوم قال بطلقك ماعد دريتي وش تسوين بعيالك ؟؟ ممكن تشرحين لنا اكثر عشان نساعدك ونعطيك حلول

السلام عليكم
أمسكي وظيفتك بأسنانك لا تفرطين فيها من تجربة أتكلم
وأنت الان وحيدة بس بكرة اولادك الله يحفظك يكبرو ويسدو الفراغ
حاولي تدورين وحدة تمسكهم لك بمبلغ حتى لو غالي شوي لانها فترة وتعدي ويدخلو روضة ومدرسة وتستغني عنها
كمان في البعض تفتح حضانة مصغرة ببيتها ويكون العدد محدود جداً اثنين ثلاث اطفال
لكن نصيحة لا تتركين وظيفتك حتى لو اهلك اغنياء

طبعاً انت كلمي الجارات والزميلات يمكن عندهم اخوات بالبيت مستعدين يمسكون اولادك بمبلغ
والزوج الله يسخره لك