السلام عليكم ورحمة الله اهل المنتدى
صدقونى لو قلتلكو انى اشتركت فى المنتدى علشان احس ان فيه ناس ممكن يخففو عنى
الحرمان من الانجاب احساس صعب ولا يمكن حد يحس بيكى غير اللى بتعانى زيك
طبعا كلنا متمسكين بالامل مهما قالولنا الدكاترة ومهما كان كلامهم قاسى بيوجع بس الامل فى الله وقدرته ما حدش يقدر ينساها
كلنا من اول ما اتخطبنا وحلم الامومة فى بالنا ولما اتجوزنا انتظرنا الحمل زى الحلم والانتظار طول
وكلنا اتصدمنا فى النتايج
لكن كلنا اكيد ينحتاج لحد يشد من ازرنا ويطبطب علينا
عاوزة اعرف ايه اللى ممكن نعمله علشان نخفف على نفسنا
اسئلة كتير بتدور فى بالى وساعات مش بقدر احكيها لحد
ازاى مثلا بتتعاملى مع جوزك بعد ما عرفتى ان المشكلة عنده؟
يعنى مثلا حد فكر انه يتبنى طفل مثلا علشان يخفف عن نفسه؟
حد ساعات بيحتار فى استمراره فى الزواج وخصوصا لو زوجك هو اللى فيه المشكلة؟
مامتك بتقولك ايه بعد ما عرفت مشكلة زوجك؟
لما بتسمعى كلام زى السم من الناس بتعملى ايه؟
كلها حاجات محتاجاكو تكلمونى عن تجاربكو فيها
:angry:انا مستنية كلامكو
bebo_khalil78 @bebo_khalil78
عضوة جديدة
يلزم عليك تسجيل الدخول أولًا لكتابة تعليق.
الصابرة22
•
أســـــــــأل الله العظيم ان يفرج همك ويرزقك الذرية الصالحة قولي آآآآآآآآآآمين
الصفحة الأخيرة