شوفى حبيبتى بعطيك فكره جتنى وانا اقرا موضوعك
ليش ماتعرفينهم على رجل الامن ومهامه وكيف ممكن نساعده
واساليهم وخليهم يشاركونك بالردود
صدقينى بينبسطون واعطيهم جوائز تشجيعيه علم مثلا ولا كلمه عن الوطن


ان شاء الله تعجبك الفكره واذا لقيت برجع لك

السلام عليكم
احسن فكره عجبتني انك تشترين لهم سجادات صلاة وتسألينهم عن الصلاة ومن يعرف يصلي وش نقول في الصلاة والله يأأختي ان ولدي الحين بالإبتدائي لكن يحب ذيك السجاده اللي جات له هديه من ام ومايصلي إلا عليها اغلب الأوقات حتى قبل مايتعلم للصلاه اذا شافني اصلي جاب السجاده وفرشها وجلس يصلي
احس ان الحرمه هذي اخذت حسنات كثيره من ورا هالسجاده
الله يجزاها خير

حأحكي لك تجربتي مع الأم الزائره واتمنى تلاقي اللي يفيدك فيها...

أذكر اني ارسلت صورة ولدي مكبره في اول يوم في الأسبوع "بناء على طلب المدرسه" والمعلمه وضعتها على الباب حتى يعرف اصدقاءه ان امه هي الأم الزائره..

واتصلت بالمعلمه وسألت عن عدد البنات والأولاد لأجهز هدايا بعددهم وزدت عليها احتياط.. وأبلغها ببرنامج الزياره علشان لا يكون مكرر قبلي...
واحضرت صور ولدي من هو عمره يوم إلى أن اصبح في صفهم وصور له وهو يزاول هوايات و مع والده .. علشان اتكلم عن ولدي ويتعرفوا عليه اكثر..

والقصة اللي قلتها لهم حبيت تكون من محيطهم اللي يعرفوه .. وكانت عن الرسول صلى الله عليه وسلم.. وطلبت منهم ينشدوا الأنشوده المعروفه "محمد نبينا" أنبسطوا كثييير على هالطلب....
وممكن تستعيني بالمنهج اللي أخذه ابنك وتربطي قصتك بأنشوده عن الأم أو المدرسه او النظافه ..حاولي تقيسي على هالأشياء..

واحضرت لوحه من الأبلاكاش مرسوم عليها دائره كبيره نوعا ما وغلفتها بالتغليف الشفاف وأحضرت أقلام للسبوره .. وجبت بندانا صغيره علشان يغطوا عينهم ..وطلبت منالأطفال أن يصفوا صف وكل واحد يرسم في الدائره انف او عين او فم ومنهم اللي قال ابغى ارسم شجره يا ابله .. " بس نصيحتي تكوني محدده ايش تبغي منهم ولا تفتحي لهم المجال لأنهم حيتعبوك ... لكن لما يلاقوكي محدده لهم برنامج يمشوا عليه زي الألف..

وكنت حاطه البلونات في سله صغيره ملفوفه بشرائط ولما يخلص الطفل من الرسمه ...ياخذ من السله ولما انتهينا من اللعب ...قرأنا القرآن اللي حافظينه كله.. وبعدها وزعت عليهم الهدايا الرمزيه..
وسلمت الرايه للمعلمه...

أتمنى اني افدتك..

وفي أمان الله،،

اهلين اختي

هاذي بعض الافكار
1-ممكن تجيبين تيشيرتات ابيض ساده وتجيبين الوان قماش زي العصارات وكل طفل تسالينه وش يبي يرسم وترسمين له او تجيبين معك كوايه والصور الي تنكوي
2- ممكن تجيبين كيك صغار هذا الكب كيك وتودين معك كريم شوكلاته وكريم فراوله وزينه الكيك الملونه وتخلين كل واحد يختار الكريمه الي يبيها ويحطها على الكيك ويزين كيكته اما بام اند امز او زينه الكيك تحصلينها بالسوبر ماركت
3- عمل فني جهزي لكل طفل في كيس صغير الي يجي قد الكف عود زي عود دكتور لما يجي يكشف على الحلق تحصلينها بالمكاتب
وتحطين عيون بالكيس برضو تجي بالمكاتب وتحطين ورق مقوى مقصوص على شكل دائره وتحطين للانف زي كور الصوف الصغيره ونفس الشي الفم اما بورق مقوى او بخيط صوف وترتبينها باكياس صغيره وتودين معك كم علبه غرى وتسوين سباق من يخلص الوجه اول والي يخلص تعطينه هديته
4-او ممكن تخلينهم يسوون اعلام تقصين اوراق خضرا مربعه وتجيبين سترو تلفين طرفه على الورق بحيث يصير مسكه وتقصين لهم سيوف بورق ابيض يلصقونها بس لازم تكونين مجهزه كل شي بالبيت اختصار لوقت
5-ممكن تودين معك مكينه الفشار الصغيره وتسوين لهم فشار وتحطينه بالعلب حقت الفشار راح ينبسطون عليها مع قراءه قصه
6-ممكن تجيبين لهم سلال صغيره من ابو ريالين وتشترين ورد طناعي صغير وفلين وتخلينهم يسوون مزهريات
7-ممكن تسويين انتي وياهم طرابيش سويها بالبيت وقصيهم وبالفصل دبسيها لهم وخليهم يزنونها باستكرات او شراائط
8- ممكن تشترين لهم لعبه وحده تكون مشتركه للفصل وتلعبينهم فيها وتكون مسابقات وسوتها اختي مره كانت حلوه شرت من المثلث الاكياس الي يدخلون رجولهم فيها وينططون وتكون ملونه ومرقمه وعددها اضن 6 اكياس
سوي لهم فيها سباق دفعه دفعه كل سته لحالهم او فريق للبنات وفريق الاولد

9-او اشتري لهم مايكرفون من التعليم المبكر وقصي القصه منه وسوي لهم تحيات عن طريقه وتكون هديه جماعيه للفصل بحيث المعلمه تشجعهم منه

اتمنى اكون افدتك ياختي