محتاجة أطباق يستخدم فيها قطع اللحم ،،ضرررررروري

اللحم بالورق بالورق الفويل ( سهل جدا)
كيلو لحم قطع ( بتلو او كباب حلة )
ملح _ فلفل _ بهارات _ رشة جوزة الطيب )
2 معلقى كبيرة سمن _ او معلقة سمن و معلقة زيت )
بصلتين
فرخ و رقة فويل
الطريقة
نقطع البصل شرائح و بعدين نحط علية مقادير التتبيلة كلها و ندعكهم كويس
نضع اللحم المغسول و السمن على البصل السابق
نفرد الفويل امامنا و نضع المقدار اللى عملناة و نلفة كويس باحكام عشان لما اللحمة تنزل مايتها ما تخرجش من الفويل
نحطها على صينية و ندخلها الفرن حوالى ساعة و بعدين بالراحة نفتح الوش اللى فوق بس بتاع الفويل وحطة تانى عشان وش اللحمة يحمر و بالهنا و الشفا
,,,,,,,,,,,,,,,,,,,,,,,,,,,,,,,,,,,,,,,,,,,,,

كباب حلة
اللحمة حسب الكمية اللى انتى عيزاها يعنى كيلو او اكتر او اقل .
لحمة مغسولة و مقطعة مكعبات __ ملح و فلفل __رشة بهارات لحمة __ بصلة متوسطة مبشورة او بصل قاورمة ( الصغير قوى ) سليم زى ما هو_ ملعقة كبيرة سمن __فصين مستكة و فصين حبهان __ فحم (حوالى 2 قطعة كبيرة ) فوطة مطبخ نظيفة .
_ ضعى السمن فى حلة على النار الى ان يسخن ثم اضع البصل الى ان يصفر ثم اضع الحبهان و المستكة ثم اضع اللحمة و اقلب كلة كويس قوى لحد لونها ما
يتغير و يتحمر شوية و تشرب مايتها
افضل اذود شوية ماء فى شوية ماء لحد ما تستوى و تشرب مايتها
فى هذه الاثناء اكون ولعت الفحمة و احمرت خالص
ازيح بالملعقة اللحمة على الاجناب و فى النص اضع الفحم المولع بسرعة و اضغ غطاء الحلة بسرعة قبل الدخان ما يطلع برة ثم اغطى الحلة تماما بالفوطة لمنع خروج اى دخان تترك مغطاة حتى موعد الاكل تقدم مع ارز ابيض و سلطة طحينة و بالهنا و الشفا
,,,,,,,,,,,,,,,,,,,,,,,,,,,,,,,,,,,,,,,

طاجن الارز بالفراخ او اللحمة
فرخة مسلوقة أو نص كيلو لحمة مسلوقة – كوب أرز – كوب شوربة ( مرقة ) –
كوب حليب – 2 معلقة زبدة – ملح - فلفل
الطريقة
بعد ما تسلقى الفرخة شيلى منها العضم والجلد و قطعيها قطع متوسطة
ضعى كوب الشوربة على كوب الحليب و الملح و الفلفل واخلطيهم
هاتى طاجن فرن وادهنية بمعلقة زبدة
وبعدين حطى الارز فى الطاجن بعد ما تغسلى الارز طبعا
وحطى الفراخ او اللحمة على الارز
صبى فوقهم خليط الشوربة بالحليب
دخليهم الفرن متوسط الحرارة لحد ما يقرب من السوى
تروحى وضعة على الوش معلقة الزبدة التانية
وتدخلية الفرن لحد ما يكمل سوى و يحمر و بالهنا والشفا
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
[طاجن اللحمة بالبصل ((فى الفرن))
المقادير:
1/2 كيلو لحمة .
عصير طماطم.
3 بصلات مقطعين شرائح تخينة.
ملح ، فلفل.1 معلقة سمن.
الطريقة:/
نسلق اللحمة نص سلقة.
نضع البصل فى الطاجن وعلية اللحمة ومعلقة سمن.
ثم نضع عصير الطاماطم حتى يعطى الطاجن كلة .
يوضع فى الفرن الى ان تنضج اللحمة .
وبالهنا والشفا
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
السلام عليكم وكل عام وانتى بخير هذة بعض الاكلات واذا رغبتى فى المزيد فية اكلات باللحمة كتيرة قوى فى ملفاتى وممكن انك تطلغيهم من التلخيص اللى على الصفحة

واااااااو يعطيكي الف عافيه اختي

don

الله يسعد أيامك ،، ويبارك فيكِ ،،


عاجزة عن شكرك،،،


للآسف كتابك لايفتح عندي الصفحة محجوبة ،، قد تكوني قد حملتيه على موقع ممنوع بالسعودية،،
==

Dalo3at_DK

تسلمي على الرابط لكن طلع رابط نستلة وليس ماجي ،،،

ياريت تتفضلي بإعادة وضع رابط ماجي الصحيح ،،،

===

السـ عطف ـنابل

أنتِ معايه أن الاطباق المكتوبة رائعة ،،،
حياكِ


==

في أنتظار باقي العضوات لإفادتنا بالمزيد

بطاطس باللحم والكمون
تجيبى بصله كبيره وتقطع صغيرويوضع عليها ملح وفلفل وتترك شويه نفرم خمس حبات ثوم ثم نضع شويه زيت ذره فى حله تيفال وعلى النار نبدا بوضع البصله ثم الثوم ثم كثير من الكمون ونضيف قطع من اللحم مقطعه صغير تترك لتستوى مع اضافه حبه حبها وورق لوروا مع اضافه ماء عند الزوم لما تستوى اللحم نضيف مكعبات البطاطس وتترك حتى تنضج اعملى (الكمون اهم حاجه)
,,,,,,,,,,,,,,,,,,,,,,,,,,,,,,,,,,,,,

صينية البطاطس باللحمة
كيلو بطاطس _ نص كيلو طما طم _ ( او 3 ملعقة كبيرة صلصة مذ ا بة فى ماء ) _ملح _ فلفل _ بصلة متوسطة _ 2 ملعقة سمن _ قطع لحم حسب العدد المطلوب _ 3 فصوص ثو م _ عدد 2 حبة طماطم شرا ئح
الطريقة
_ تغسل البطا طس و تقطع حلقا ت متو سطة التخا نة
_يقشر البصل و يقطع حلقا ت متو سطة
_ تغسل قطع اللحم و تو ضع فى الصينية تو ضع البطاطس و الملح و الفلفل و الثوم و الصلصة
و نرصص حلقات الطما طم على وجه الصينية ثم نوزع السمن على الوجه
_ نضعها الاول على عين البوتجاز من فو ق الى ان تستو ى نص سو ا
_ مع تز و يد قليل قليل من الماء كلما ا حتا جت
_ نضعها فى فر ن متو سط الحر ار ة الى ان تستوى و يصبح لونها احمر جميل
و با لهناء و الشفا ء
ملحوظة ::: اذا كا نت اللحمة بتلو او ضا نى تو ضع كما شرحت فوق
واذا كانت اللحمة كندوز يفضل ان تسلق اولا لوحد ها ثم تو ضع فى الصينية كما شر حنا فوق
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
طاجن الارز المعمر باللحمة
المقادير
2 كوب ارز + لحم مسلوق و(سبق شرحنا فى طبق الفتة)
2 كوب شوربة من بتاعة سلق اللحمة
2 كوب حليب + ملح_ فلفل_ فصين حبهان
2 معلقة كبيرة سمن _ ملعقتان كريمه لبانى
مكسرات حسب الرغبة
الطريقه
يدهن طاجن فخار بالسمن
نغسل الارزجيدا ونصفيه من الماء ونخلطه بالملح والفلفل ونصف كمية السمن
ثم نضع نص مقدار الارز فى قاع الصينيه ثم ترص اللحمة فوق الارز وبعدين نحط باقى مقدار الارز فوق اللحمة بس خلى بالكم مايذدش الارز المحطوط عن 3/4 الطاجن لان الارز لسة حينفش و حتلاقية طلع لفوق .
ثم بالكبشة حطى الشوربة اللى خلطناها بالحليب فى الطاجن فوق الارز لحد فوق الارز بحوالى 1 سم
لما نلاقية شرب السائل نتذوقة اذا لقيناة لسة مستواش نحط شوية من السائل و هكذا و اذا لقيناة استوى نروح حاطين الكريمة اللبانى على الوش والسمن وندخله تانى الفرن ونتركه ليحمر من فوق
وبعدين نخرجة من الفرن ويترك يبرد قليلا و يقدم ساخن و بالهنا و الشفا
,,,,,,,,,,,,,,,,,,,,,,,,,,,,,,,,,,,,,,,,,,,,,