محتاجة أفضفص شوي .

بسم الله الرحمن الرحيم
ما أعرف من وين أبدا و من و ين أنتهي
بس اللي أعرفة اني محتاجة أطلع اللي بصدري شوي
الحمد لله فالحمد لله فالحمد لله مع اني مكنسرة جداً و انا حابة أكتب بس عندي يقين ان بحصل رد يريحني و انا متاكدة ان الله رح يعوضني و يريحني .
انا الكبيرة الام و الاب منفصلين من الصغر .
من صغري كنت أعاني من مرض و امي و ابوي تعبو معي شويات بس كنت أتألم ما كنت احصل صدر حنون يهون علي شويات كنت احيان أتخبأ عشان اخاف من لحظة العلاج و كانت امي قاسية جداً و ابوي أقسى منه كانت اذ امتنعت تجرني من شعري عشان اخذ كلشيء اخاف منه بالغصب و ابوي كذلك قاسي لدرجة الخوف منهم .
و عشت بحرمان مادي و معنوي .
و كانت النتيجة إِيش ؟
ان انسانة ضعيفة جداً
اتعرض للضرب بالمدرسة اسكت .
من الطالبات اسكت .
تحرشات اسكت .
كبرت و مريت بمراحل متعبة جدا
عشنا بفقر مع ان مادية الاب جيدة
انام عالارض الثلاجة فاضية نحتاج اشياء تحصلها بصعوبة
كنت اداوم و احصل وحدة من قريباتي تضحك علي و على شكلي و شعري و لبسي قدام صديقاتي و تركوني صديقاتي و صرت اجلس لوحدي و التحقت بالمصلى
و تخرجت على طول التحقت بالجامعة و من هنا تعرفت على اخت حقيقية لي .
كنت احتاح اشياء كثير كت احصلها تجيبها لي
كانت تنورتي مشقوقة يسبب المادية ما اقدر اغيرها اغطيها بالكتب جابت لي صديقتي و ما انسى حطتها يشنطتي وقالت لا تشوفيها الا بالبيت و لمن رجعت و شفتها انكسرت مره
و صارت تجيب كتبي و صارت تساندني مادياً و معنوياً
و ما أنسى كلام البنات عن لبسي اللي ما أغيره و لدرجة قدام البنات قالت لي وحدة بصريح العبارة
انتي كل يوم نفس اللبس ! غيري طفشنا .
وو قفت بوجهها صديقتي و قالت ورد حلوة مهما لبست
من هنا حسيت بكسرة النفس و اني اقل من غيري فعلاً
مع اني اعرف بالموضة و الكشخة بس كان ينقصني المادة و لو عندي عرفت البس و اشتري
ما كان عندي مصروف حتى معجون الاسنان مو دايم احصله .
و الثلاجة تمر ايام ما فيها الا ماء
مع ذلك يارب لك الحمد لله كنت مرتاحة جداً كنت انام و احلم و احلم و احلم و كان عندي امل ان الله بيعوضني و هالشيء متأكدة منه الى الان .
والله مريت بظروف جدا خلتني منكسرة جداً جداً
انخطبت و انجبرت على زواجة و كنت اقول ان شاء الله انه خيرة يارب و ما اخذو رايي تحدد الزواج بعد شهر و ما قدرت اتغير و لا اعدل و ناقصتني اشياء ما اخذتها من ضيق الوقت .
حتى الاكسسورات نسبت اخذها
و مهري اخذ جزء منه ابوي و امي اخذت مبلغ قليل و سددت دين كبير
بيوم زواجي عالخوف ما شفته ولا كلمته و الا قالو العريس بيدخل
دخل لوحدة و ما كان عندي اب و لا ام و اقفين معي كنت ماسكة نفسي
قال لي كلام ريحني و ابتسمت و الله و عرفت انه انسان فيه خير و بيعوضني الحمد لله الحمد لله على اليوم اللي عرفته فيه .
مر اليوم الحلو و الايام الحلوة عيشني ملكة و حسيت اني ما استاهل هالأنسان .
بس صار ينقد شوي
لبليش ما شريتي كذا
و اشياء كثير ينقدها و حسيتي اني اقل من غيري
و لا تلوموني صرت أبرر انا كذا لان كذا و صرت لكذا لان كذا و حسيته صار يشوفوني ولا شيء
ادري اني غلطانة بس مو عارفة ليش اسوي كذا و اخرب على نفسي
رجعت من شعر العسل ابوي ما استقبل زوجي و لا شيء زوجتي و انتهيت عمده رجعت لبيتي
بعد شعر العسل تعبت تعبت صرت أقارن حياتي بغيري و اتعب ....
نفسي البس و اسوي و اسوي بس تعبت فعلا صرت بس انام انام انام ضليت شهر بحالة نفسية و اخذ حبوب تنوم ما اعرف ليش صار كذا و قلت له ابي اروح لبيت جدي و جلست عند امي شهر و بدت الدراسة و شفت صديقتي و عورني كلامها اكثر قالت ليش شكلك كذا نحفتي و سمرتي انتي مو مرتاحة معه
قلت لها اني ما حسيت اني عروس نفسي و نفسي و نفسي و قلت اشياء كثير ناقصتني و ما قصرت جابت لي ملابس من عندها و اكسسوارات قالت عبري فيها لين تشترين معه و رجعت لبيتي و قال وش هالأغراض قلت ناسيتها من جهازي
و هنا بديت اهتم في نفسي شوي شوي بس من جهة اتعب و جاء جلستي و قال وش فيك و ليش انتي تصرفين كذا قال بس بقولك شيء عشان ترتاحين
انا من تزوجت و الله يشهد علي اني مرتاح معك راحة ما يعلم فيها الا الله . و حبيتك و تمنيت اني عرفتك من زمان و احب وجودك في حياتي يقول قلت لك هالكلام لاني حسيت انك مو مرتاحة و دايماً متوترة و متقروشة . قلت لا بالعكس انا مرتاحة معك بس تعبت شوي و كل شيء تخطيته
بديت اهتم في نفسي و فيه بس عندي اهتزاز بالثقة و تعب كل ما انذكر كيف جهازي و زواجي و حتى هو يحسسني بتأنيب الضمير يقول ليتنا سوينا كذا و بيتنا تكلمنا قبل الزواج و كذا ..
و اتعب لمن اجلس مع البنات اللي بعمري اللي متملكة و اللي متزوجة عايشين كانهم متزوجين لسى و انا لا . زوجي معي كانا لنا فترة متزوجين عايشين بدلع و رومناسيات و زواجاتهم و تجهيزاتها حتى بملكاتهم في احسن حال
و انا احس زوجي يتملل مني اذ حب يطلع طلع مع اصحابة و انا لا صرت اذ رجع اجهز له أكله مع كلام طيب و ينام و انا ارجع افكر ليش ليش ما وقفت بوجه ابوي ليش ما أخرت الزواج يمكن اكون مرتاحة و متجهزة
زوجي طيب و يحبني و احبة بس نفسي احس اني مثل البنات .
والله نفسي اطلع اشتري ملابس و اغير بس هو ماديته ما تسمح بعد الرواتب اللي نزلت و علية دين و انا مقدرة هالشيء بس نفسي البس و اشتري حتى مكياجي خلص و نفسي نفسي احس بإحساس اي عروس تلبس اللبس الحلو و تحط اللي تبي و تعيش انا ما عشت الا بداية الزواج و خربت على نفسي و لمن رجعت على طبيعتي ما حصلت اللي ابغاه و غير كذا علي دين ما خلصته
المهم كيف أتخطى الماضي يتعبي صور زواجي و تتعبني الذكرى كل مره اذكر اني غير البنات و انا ما عشت مثلهم حتى قريبتي اللي كانت تتمصخر علي بالجامعة تزوجت و اهلي ما زوجها الا بعد سنة لمن تجهزت و ارتاحت. على راحتها و زوجها طاير فيها و هي مرتاحة و انا لا اهل ولا سند زوجوني و افتكو مني
انا الحمد لله تخطيت كل شيء ورجعت اوقف على رجولي من جديد بس الماضي يتعبني و كل طاري زواج اتمنى اني مكانهم و اني اليوم يتزوج و ما اخرب على نفسي
نفسي نفسي الوقت يرجع اكون متجهزة على اكمل وجه نفسي اكون بعيونة احسن وحدة .
و الحمد لله على كل حال وان زوجي صابر علي للان . على كثر اللي مريت فيه و اللي شافه مني