محتاجة اتكلم شوية

السلام عليكم
انا تزوجت من 4سنوات ونصف والحمدلله على كل حال لم يحدث حمل
بسبب ضعف الحيوانات المنوية عند زوجى
يعنى المشكلة عنده مش عندى
كل الأطباء نصحونى من الأول ان الحل هو الحقن المجهرى
بس جوزى كان مش عايز يعمله وعايز يحس ان طبيعى وكده حتقلل من رجولته
بس بعد اسرار على العملية عملتها من سنتين ولم يكتب لى الله الحمل
وهو طبعا وقف العلاج علشان بيقول ان تعب من كثره الأدويه
وبعدين طلبت منه ان نعمل عمره الحقيقه كان مش موافق بسبب المال بالرغم انى اهلى واهله كانوا حيساعدونا وبعد اسرار طويل وافق بس كان دايما يقولى انا مش راضى عليكى وربنا مش حيقبل منك العمره عشان انا مش راضى
ساعتها قلت طلقنى عشان انا مستحملة كل ده وانت مش مقدر فقام مصلحنى
وسبحان الله والحمد الله على كل شئ ربنا لم يكتب لى الحمل
وبعد مرور سنتن كل الأهل والأطباء بينصحونى بعمل العملية تانى
بالرغم انى خايفة من العملية وانها تفشل الا انى موافقة اعملها عشان انا نفسى اكون ام
وكان زوجى موافق نعملها وبعدين شوفت مجموعة من الخلطات فى المنتدى تساعد على زيادة سرعة الحيوان المنوى فقلت ممكن نجرب ساعتها زوجى وافق على طول
وكلعاده مش يبستمر عليها ويأخذ يوم ويومين لا
فحسيت انى بضيع وقت لانى كمان لم اجد اى تحسن فى صحتة
فقلت نبتدى نعمل العملية عشان انا عمرى بيجرى
رجع تانى زوجى يأجل موضوع العملية
وقال اخر قرار حنعملها شهر مايو
انا حسه انى مقهوره مش عارفه اعمل آه
مش عارفه آه الصح اطلق منه ومضيعش عمرى مع انسان انانى ولا اعمل آه
ارجوكم ردوا عليا