محتاجة دعائكم الليله حياتي مصيرها بيد الله ثم بدعائكم

بنات يمكن ماتذكرون قصتي
انا اللي تطلقت مرتين بسبة حماتي وبناتها
حسبي الله ونعم الوكيل
الله يرفع الظلم عني وعن كل مظللوم
بكره بيتحدد مصيري
بيي ولي امري اللي هو اخوي واللي متزوج اختها واللي مالي غيره ينصرني عليهم بيي عشان ينصحني اني اسمع كلامها واسويلها اللي هيه تباه وطبعا هو مو مصدق اي شي فيها لانها حية تتلون بمية لون وتصيح وتتمسكن قدامهم
بس حسبي الله ونعم الوكيل
اتعرفون شوو اللي هي تباه
تبا شوري بيدها وولدها ما يتدخل فيني
طلعاتي وروحاتي وجياتي لازم استشيرها فيها ولازم ما البس بناطلين في البيت وبجامات مع انه وحيد اهله وما عنده اخوان وابوه خارج الدولة ومحد في البيت غيرها وبناتها وتباني البس شيله بعد في البيت حتى لو نص الليل
بنات والله ضايقه فيني الدنيا احس اني بختنق وزوجي بيموت وبييه الضغط والقلب بسبة امه وخواته
والله انا خايفه عليه
يعرف اني مظلومه ويدافع عني ويصارخ ويكسر الدنيا بس ما في فايده لين وصل لحد انه بكره بيكلمهم بيقولهم انه بيطلع من البيت مع انه وحيد اهله بس امه قوية ومش محتاجتله عندها سواقين و3 خدامات بالبيت مع بناتها ال3 اللي بعمر واكبر مني ومش متزوجات
شبقول وش اخلي كل انواع الظلم والقهر لدرجة اني ما قدرت اتحمل خصوصا بع اخر موقف يوم قالتلي قدام بنتي ربي بنتج تربية زينه مب مثل تربيتج يالمنحرفه انتي تحتاجين دكتور نفسي يحل مشاكلج
اتخيلوا بنتي الحين 3 سنوات وما تفهم بس بكره بتكبر وبتفهم وانا ما اتحمل بنتي تسمع عني هالكلام او تتعقد او حتى يوم من الايام تتمرد وتقولي يالمنحرفه
يا ربي مالي غيرك فرج همي واللي متعبني اكثر اني حامل بالشهر الرابع واحس انه من الظيق والهم اللي انا فيه البيبي بيصير فيه شي
ما ادري شبقول بكره وهل بيصدقوني ويكذبونها وهي المفروض حرمة كبيرة وكيف بقدر ارد على انسانه لسانها هالطول وانا ما اقدر عليه
شبقول لخوي اقوله انها لما ارد من الدوام واحاول انا ساعه انا وزوجي ترسلي بنتي بالنعال تدق الباب ولما اسال البنت تقولي انه جدتها هيه اللي امرتها
او اقوله انها تدخل غرفتي باي وقت بلا احم ولا دستور واخر فترة خذت مفتاح الغرفة وما رجعته الا لما ولدها طلب منها ولا زعلت منه بعد
والا اقوله انه مره خواته هجموا علي بلا سبب يبون يضربوني ويسبوني ويقولولي بندوس في بطنج بنطلع اللي البيبي اللي فيه
والا اقوله اني اسمعهم يرسلون بنتي ويوقولولها روحي قوليلها واتجيني بنتي تقولي انتي مش امي
والا شوو والا شووو والا شووووو
يا رب رحمتك
الله يخليكم ادعولي انه الله يفرج همي
ادعولي انه الله بكره يرد كيدهم بنحرهمي
ويساعدني اني ادافع عن حقي وحق زوجي وعيالي
احس انه اخوي اذا نصرها علي بكره والله لدوس فوق رقبتي وتقول اهلج قالوا
والله اني احس انها يوم من الايام بتفتح الباب وبتهجم علي وبتذبحني
والله هذي انسانه ما تخاف الله بالخمسين بس ما عمري شفت حد بقوتها
على فكره لا تفكرونها عجوز ومسكينه بس لسان
هي تروح وتجي وتشتغل وتحط مكياج وايشه حياتها بالطول والعرض
الله لا تبلانا
يا ربي مابي اتكلم عنها بس عشان تعرفون اكثر عن شخصيتها
بتقولون اصبري عليها بقول بصبر اذا كانت بس لسان لكن هيه حتى مانعتني اني اروح للمول انا وعيالي وخدامتنا ومانعتني من نادي السيدات ومانعتني اني اتعرف على صديقات
ومانعة اي حد يزورني البيت
مع العلم انه بناتها عندهم سواق ويروحون ويجون ومحد يقولهم شي
حسبي الله ونعم الوكيل
ما ابي شي
بس اعيش حياتي بهدوء
واقدر اربي عيالي بحب واعيش مع زوجي بسلام
هيه مستحيل تكون ام
ااو تحب ولدها لو تحبه على الاقل ما كسرت كلمته جدامي
جان ما قالت قدامي انته مالك كلمة عليها انا راعية الشور
زوجي انهار مرتين من المشاكل اللي مالي ذنب فيها
وطلقني مرتين وانا عند اهلي
غيابيا
يستغلون غيبتي ويعلون عليه الحرب النفسية
الحين مب عارفة شسوي
هل اصر اني ما اقعد عندها في البيت واللي يصير يصير حتى لو رجعت بيت اهلي
مع العلم انه زوجي ولله الحمد بدا يعرف اهله ويعرف عدم احترامهم له وعدم تقديرهم له
وما اظن انه بيستغني عني
او اني اطلب بيت مستقل
مع انها مره هددت انه اذا طلعنا بيت لحالنا بتحرقه
مب عارفه
ابي دعواتكم هالليله المبروكه الله يخليكم ويفرج عليكم يا رب
والله اني محتاجة مصيري بكره بيد رب العالمين
لاتنسوني بالدعاء