اختي من متى وهو على هالحال؟؟ انتي تقولين انكم ماخذين بعض عن حب يعني اول الايام كيف كان معاج؟ ومتى بدى يتغير؟ حاولي تتذكرين متى بالضبط واتذكري شو صار ...يمكن صار شي خلاه يتغير من ناحيتج.......او مثل ما قالوا البنات عين ....اقري عليه قرآن ...اذا ما رضى اقري عليه وهو نايم علشان ما يحس فيج ....حاولي تسويله حركات حلوه مثلا مفاجآت حلوه يعني عشاء رومانسي او جيبيله هديه يحبها او ورده حمرا شوفي المنتدى مليان حركات جربيهم ولا تيأسي ....او خلي امه تسأله بشكل عفوي اذا كان يسمع منها...يمكن يقولها اللي في خاطره .....بس بشرط ما يحس انج انتي اللي قلتيلها...
قومي الليل وصلي ركعتين وادعي ان الله يرجعه مثل ما كان ....والله كريم اختي ....
وبقولج شي ...اختي اول ما تزوجت كان زوجها نفس حالتك وهي مستغربه منه ...كان ما يتكلم معاها ويتجنبها ...ولما يوصلها في السياره ماااااا يكلمها.....ويخليها ببيت اهله ويروح مع الشباب ...من الصبح لين في الليل ....وهم عندهم شقه بروحهم..ووقت القيلوله هو يروح الشقه ويقولها تمي في بيت اهلي لاني بنام !! وهي في خاطرها تقول ليش ما قالي تعالي نامي معاي !! واهله حسوا باختي وكلموه .... وكانت خلاص تفكر بالطلاق بس صببببرت كم شهروقعدت تدعي الله يغيره لحد ما هو من نفسه تغير سبحان الله وقالها انه هذيك الايام كان مصدوم بالحياه الزوجيه وما كان وده يودع العزوبيه وقالها انه ما كان يبغي يحتك معاها وايد لانه خايف من انه ما يعرف يتعامل معاها !!
بس شفتي يعني في سبب في راسه حتى لو تااااافه السبب .....اذا عرف السبب بطل العجب على قولتهم ....
سمي بالرحمن ووسعي خاطرج ولا تشيلين في قلبج ترى اخر شي انتي بتتعبين وهو ولا حاس فيج
يمكن زوجك من النوع اللي مايبي يبين حبه واهتمامه فيج قدام اهله يمكن امه او اخته خصوصا اذا كانت بسن زواج وبعدها مب متزوجه يخاف تحس بغيره منك وهو يتحاشى انه يبدي اي اهتمام فيج عشان هالاسباب بس اكيد لما تكونون مع بعض يقولك كلام حب وهيام :39:
انتي ادرى بزوجك ابحثي عن الاسباب اللي ممكن تكون مخليته يبعد عنك وفي شي يمكن يكون رايح من بالك دوري عن تربيته في ناس تربي الولد على اساس انه السيد والامر الناهي وان المره هي مجرد منفذه لهالاوامر يعني طبيعة تربيته اكيد بتاثر فيه ويبغي يثبت قدام اهله انه رجال
صح كان يحبك بس ترى في بعض الرياييل عندهم الحب شي وبعد الزواج شي ثاني يعني خلاص مدام جيتي بيته ومطمن انك عنده خلاص مو لازم يقولك شي حلو ولا يتصرف معاك تصرفات هيام وشوق يكتفي بانك تعرفين انه يحبه وخلاص :(
في اسباب وايد اختي بس انتي شوفي زوجك من اي نوع وبعدين التغيير اللي حصل له من متى يعني معقول في بداية زواجكم كان كذا؟؟؟؟ يمكن دش معاك في الولاده وشاف شي عافته نفسه ترى حد من الرجال تجيهم مثل العقده ويكرهون او يتجنبون حريمهم لهذا السبب
انتي اكثري من الدعاء وقيام الليل والاذكار يمكن بعد تكون عين :D <<< بسك ماتم شي
تقربي من امه ومن اخته حسسيه بحبك غيري في شكلك وبعدين خلي شوي شغل البيت على جنب لما يكون موجود حاولي تقعدين معاه لما يكون مع امه او اهله او حتى بروحه يعني شاركيهم الحوار والضحك والنقاش وفضي نفسك له لما يكون موجود وخلي شغل البيت ببرنامج معين مريح لك ومافي مانع انك تستعينين بخدامه اذا امكانياتك تسمح
الله يسخر لك زوجك ويوفقك ويبارك فيه وفي ولدك وانشالله تكون غيمه وتنزاح وتردون سمن على عسل :39: