ايه يا عمري

انت زعلانه انه يتعرف على وحده ثانية
طيب صارحيه بهذا الشي وقولي ما شاء الله عندك 3 حريم ومو مالي عينك
ذكريه بالله و خوفيه من عقابه اللي ممكن يكون في بناته

وبعدين اذا يبغاها على سنة الله و رسوله هذا شي ثاني

والله يسخرلك زوجك ويألف بين قلوبكن في الخير

و الله اعلم

سوسو ام ثوثو
cs
مشكورين خواتي وجزاكم الله خير والله ان بنات هذا المنتدى خوات يريحون القلب
ما قصرتوا الله يرزقكم كل خير ان شاء الله

الحمد لله رب العالمين اللي سخر لي بنات عالم حواء اللي ينحطون على الجرح يطيب..والله اني استفدت من كلامكم كلكم..والحمد لله الحمد لله والشكر على نعمه اللي فرجها لي ..كنت دوم ادعي ربي واستخير وادعي له بالهداية..وانا حاليا مسافرة ومن امس عندنا المطر يطق وكنت ادعي في المطر..ويشهد علي ربي اني ما نسيتكم والله ودعيت حق كل اللي دخلوا موضوعي مب بس اللي ردوا كل من عطاني من وقته وقرا مشكلتي دعيت لكم بأن الله يستجيب دعواتكم ويحقق لكم اللي تتمنونه ويرزقكم الخير ويفرج همومكم وينولكم اللي تتمنونه من خير الدنيا والآخرة..
والحين بقول لكم اشصار معاه..سبحان الله من امس وانا اشوفه يبغي يقول شي ومب عارف واليوم تكلمنا في موضوع مختلف ماله علاقة بالمشكلة وبدون مقدمات جاب الطاري وقعد يتكلم بإسلوب اللي مسوي غلطة او على وشك..وقال لي انه كل ما يفكر يشاغب مع ربعه يتذكرنا احنا ويتعوذ من الشيطان ويصد..سألته اذا في شي قال لا وان شاء الله مايكون في غيركم وهذا اللي اضمنه لكم..واكد لي ان لو عنده اي شي انا اول وحدة بعرف..وحسيت بصدقه..وان ربي استجاب لي ولدعواتكم خواتي ..ما قصرتوا وجزاكم الله الفردوس الاعلى من الجنة..وتوه مسكر عني حمدت ربي وشكرت فضله وكتبت لكم علشان تشاركوني فرحتي وتدعون له بالهداية اكثر وما قصرتوا يا الغاليات..
والسلام عليكم ورحمة الله وبركاته

أختي الله يتم عليكم ولا يغير عليكم

والله استجاب لك من طيبك وأصل معدنك وانك تحبين الخير للناس كلهم

وان شاء الله مايشوف غيركم ويسعدكم ويهنييكم جميعا ويسخر لكم زوجكم

%أم الغالي%
جزاج الله كل خير عزيزتي..وبارك الله فيج على هالدعوة الحلوة ما قصرتي والله يحقق لج كل اللي تتمنينه ويرزقج خير الدنيا والآخرة وفعلا اهم شي الدعاء من قلب خالص وما قصرتوا خواتي اشكركم كلكم وحدة وحدة وماراح انسى وقفتكم وبدعي لكم دوم ان شاء الله