واحد ماخذ ثلاث حريم وش تبين يقوول لا للرابعه ؟؟


مالك الا الدعاء انا ما ودي اتكلم اخاف اخرب عليك حياتك


لكن ادعي الله يهديه حاولي تدعمين الجانب الديني عنده ذكريه بالخووف من الله

وان شاء الله يستجيب ويتووب

الله يهديه وربنا قادر يفرج همك ويسعدك

أصلا لو كان يحبك صدق ما كان فكر أنه يتعرف على وحده ثانية. بيني له موقفك و أنه هذا يزعجك... و خييريه بينك وبينها لأنك لو سكتي الحين عن اللي يسويه... راح يتمادى أكثر وأكثر لأنه بيحط في باله أنه هذا الشيء عادي عندك وأنك ما راح تتضايقين.

ام مشااااعل
أم صهيَب
أم ياسين
soolaf
الزمرده الزرقاء
ورده الياسمين 363
جنة أمل
مشكووووورين خواتي وجزاكم الله كل خير على دعواتكم ونصايحكم اللي استفدت منها ما قصرتوا

الحمد لله رب العالمين اللي سخر لي بنات عالم حواء اللي ينحطون على الجرح يطيب..والله اني استفدت من كلامكم كلكم..والحمد لله الحمد لله والشكر على نعمه اللي فرجها لي ..كنت دوم ادعي ربي واستخير وادعي له بالهداية..وانا حاليا مسافرة ومن امس عندنا المطر يطق وكنت ادعي في المطر..ويشهد علي ربي اني ما نسيتكم والله ودعيت حق كل اللي دخلوا موضوعي مب بس اللي ردوا كل من عطاني من وقته وقرا مشكلتي دعيت لكم بأن الله يستجيب دعواتكم ويحقق لكم اللي تتمنونه ويرزقكم الخير ويفرج همومكم وينولكم اللي تتمنونه من خير الدنيا والآخرة..
والحين بقول لكم اشصار معاه..سبحان الله من امس وانا اشوفه يبغي يقول شي ومب عارف واليوم تكلمنا في موضوع مختلف ماله علاقة بالمشكلة وبدون مقدمات جاب الطاري وقعد يتكلم بإسلوب اللي مسوي غلطة او على وشك..وقال لي انه كل ما يفكر يشاغب مع ربعه يتذكرنا احنا ويتعوذ من الشيطان ويصد..سألته اذا في شي قال لا وان شاء الله مايكون في غيركم وهذا اللي اضمنه لكم..واكد لي ان لو عنده اي شي انا اول وحدة بعرف..وحسيت بصدقه..وان ربي استجاب لي ولدعواتكم خواتي ..ما قصرتوا وجزاكم الله الفردوس الاعلى من الجنة..وتوه مسكر عني حمدت ربي وشكرت فضله وكتبت لكم علشان تشاركوني فرحتي وتدعون له بالهداية اكثر وما قصرتوا يا الغاليات..
والسلام عليكم ورحمة الله وبركاته