محتاجة طريقة شوربة لذيذة وخفيفة زي حقت المستشفى لوحدة عاملة تكميم الله يجزاكم الجنة

ما عندي فكرة عن حقة المستشفى
بس في شوربة أنا آكلها على العشى دايما و خفيفة و مشبعة
قطعي جزرة كبيرة مع حبة بطاطس وسط و حبة طماطم و بصلة صغيرة و فص ثوم
قطعيها ي ما تحبي لأنك راح تضربيها في الخلاط بعد ما تستوي
حطي ملعقتين زيت في القدر و أول البصل , بعد ما يدبل أضيفي باقي المكونات و قلبي شوية و حطي معاها عود قرفة و شوية كمون حب و ملح
صبي كاستين موية فوقها و اتركيها لين تغلي
غطي القدر و خففي النار , خليها نص ساعة إلين تستوي كل الخضار
ارفعي عود القرفة و اضربي الشوربة بالخلاط
بالعافية

صباااااااااااااااا بشرى كيف امك اللحين وتنصحينى اسوى التكميم من تجربه امكككككككككككككككك هل تعبت اللحين تطلع وتروح ولالابس نايمه على السرير والله محتارة وزنى 114 وطولى 160

خذي دجاج واسلقيه مع بصل وثوم وطماط وشوي بهارات خفيفه ونص مكعب ماججي وخليهم يستووون بالراااحه

بعدين خذي المرق الصافي بس بدون دجاج 

زي مانتي عارفه المتكمم اسبوعين سوايل شفافه مافيها اي كتل 
عشان التسريب لاسمح الله وربي يشافي امك يارب 

وفي كمان شي يعطي طااقه 
خذي 3 حبات تمر وصبي عليها نص كاس مويه مغليه وخليه لمن يبرد 
اهرسي التمر بالمويه زيييين وبعدين صفيه وخلي ماما تشربه 
مره وحده باليوم عشان الدوخه والتعب 

اللهم صل على محمد