محتاجة كل زوجة أولى تدخل وتنصحني.. >>> يوجد ملف للزوجه الأولى

السلام عليكم
اخواتي اولا اعتذر على الاطاله
ابي كل انسانه عاقله تساندني في مصيبتي مابي اخرب بيتي و الله ياااخوات انا بحياتي تعودت ماااشكي لاحد الاشياء الخاصه و الكبيرة بحياتي لكن هالمره ماعاد فيني اتحمل الموضوع اكتب وانا قلبي يعتصر ألم ودموعي لا تتوقف اظلمت الدنيا بوجهي ولاقادره اصارح اي انسان باللي اخبيه بحياتي .
زوجي اكتشفت له محادثة بالواتس اب مع حرمه ومع المواجهه طلعت خطيبته وناوي يتزوجها بالسر طبعا أنا انهرت ولاعاد اقدر اميز قال انه خايف على مشاعر لأنه يبي اطفال وبما أني عرفت بالامر ماعاد يغير بالموضوع شي ., طبعا هالكلام له يومين و اليوم صدمني جلست اصيح عنده مثل المجنونه مو مستوعبه حبيبي وغلا روحي تشاركني فيه وحده ثانيه؟ طبعا قال
ان سبب الزواج يبي يستر عليها لانها اتصلت عليه وتبي زوج لانها مطلقه ويتيمه وعرضها على اصحابه وما ااحد رضى ياخذها وانا اخذتها لوجه الله لكن الغلا و الحب كله لام عزوز .
انا و الله العظيم احبه وأموت في الارض اللي يمشي عليها وهو مومقصر معي ولا اتخيل اعيش معه بهالوضع و اللي تاعبني اكثر ما أقدر اتكلم لانه مايبي يخبر أهله إلا اذا جابت له الولد ,,,, اسودت الدنيا بعيني مابي ادعي عليها وأكسب
ذنبها ,,, مابي اتركه وأعيش الحياه بدونه ,,, ما أتخيل يابنات يقول لها حياتي ورحي وقشطتي وطفلتي ومعشوقتي مثل مايقول لي صرت أكره هالكلمات لانها انقالت لغيري ,,,,ما اتخيل ينام بسرير غير سريري ,,, أنا وربي مو انانيه احنا مالنا سنتين ونص متزوجين وتوني ماشفت دنيا معه ,,, باقي ماحسيت باستقرار بحياتي .
أدري اطلت عليكم لكن وربي مااعرف شو أكتب بقلبي نار مو راضيه تهدا و اللي زاد الحمل علي ما أحد يدري بالموضوع ابي اصيح عند أمي وخواتي ,,, ابي اصرخ عند اخواته وأمه وأقول هذا ولدكم اللي ماقصرت بحقه ولو ما أنا بعد الله تعالى ماتغيرت حالته للاحسن ,,,, ابي لما تنزل دموعي ما أنحرج وأقول اللي مضايقني ,,,
أبي ابكي واصيح واصرخ و أقول له اني عطيتك قلبي وعطيتك من صحتي وحياتي
حـــــــــــــــــــــــــــــــــــــــــــــــــــــب ماحلـــــــــــــــــــــــــــــــــــــــم فيه مخلوووووووووووووووووق .