محتاجة لدار تحفيظ القرآن الكريم ..لتحيي قلبي الميت..

السلام عليكم

انا عندي لك يااختي موقع كأنك في دار والله انه رهيب اسأل الله ان يجزي القائمين عليه خير الجزاء

انا كنت مثلك وودي بدار ولكن ظروفي ماسمحت لي ولقيت هالموقع ودائم اتحسف على الايام الي راحت

فيه معلمات حبوبات حافظات لكتاب الله يسمعون لك في غرف خاصة تسميع صوتي على حسب الوقت الي تبين والمقدار الي تحفظين

ثم فيه غرف تقام فيها محاضرات ودروس ومسابقات

وفيه تكريم للحافظات وحب وتأخي بين الاخوات

الله يجزى القائمين والعاملين فيه خير الجزاء

واذ اعجبك الموقع لاتنسيني من دعواتك كل ماذكرتيني

وانا متأكدة اذ انتي دخلتي وبديتي تسمعين وتحضرين دروسهم انه بيعجبك

طولت عليك اعذريني وهذا رابط الموقع

http://www.factway.net/vb/showthread.php?t=1984

الله يرضى عليك دنيا وآخره وإن شاءالله أشوف الموقع

شمال الرياض فيه دار الشفاء بنت عبدالله رضي الله عنها ومقرها مدارس الفرسان الاهلية في النزهة

وفيه دار الشيماء في حي الواحة

والله يسهل امرنا وامرك وكل مسلم

حياك الله أختي ..
وعندك في الشمال دار أم سلمة في المصيف ..
ودار المحمدية في المحمدية ..

نشطيييين ماشاء الله تبارك الله ..

في كل حي تق ريبا تجدين دار

في المروج 3 دور للتحفيظ ( دار تميمه بنت ابي سفيان - دار عبدالرزاق عفيفي - دار سيرين )

في حي الملك فهد دارين على ما اظن

في المصيف 3 دور ( الحياء - ام سلمه - الشروق )

شوفي هذا موقع الجمعيه الخيريه لتحفيظ القران الكريم

دخلي اسم الحي اللي انتي فيه ويطلع لك الدور الموجوده وطريقه الاتصال فيها وكروكي للموقع

http://www.qk.org.sa/

تلقينه في اعلى الموقع على اليسار