قاعة الشراتون فيه وحده منهم صغيرة تنفع لزواج عائلي

الخزامى في فندق الخزامى

والهولدي ان الجديد قاعتهم بعد صغيرة ومرتبه

مدري انا الشيراتون تجيبلي الكابه والخزامى ماتعجبني احلى شي الحياه ريجنسي والمملكه القاعه الصغيره

مرينا بنفس مشكلتك

وما لقينا صالات تشيل بهالعدد

واخرتها

حطيناه في الخزامى بعد ما قسموا الصاله انصفين

الصراحه رااااايق وعشاهم ما في فندق يغطي على الخزامى في الاكل

حتى الفور سيسونز

ونياره

كلميهم واساليهم :26:

فيه بعد في فندق الفيصليه قاعه خاصه للمناسبات صغيره مسويه فيها قريبتي بس يمكن كان الحضور من 100 الى 140 بس مرررررررره روعه وصاله العشاء مرررر رايقه
الله يوفقك عزيزتي

والله اني استانست يون رجعت اليوم وشفت كثر الردود من جد حسيت اني ماغلطت يوم سألتكم

قرويه :
الشيرتون المشكلة مايمدحون اكلهم وبعدين كل بنات عمي هالصيفيه حاطين زواجاتهم فيه ولا في بالي اسوي زيهم ، اما الاستراحات فما اظن انها تنفع لأني احسها حوسه والجو ماينضمن ، بس بجرب اتصل في ماريوت والهوليدي ان واسأل عن قاعاتهم

مشكورة يالغالية ويعطيك الف الف عافية والله يسعدك ياربي دنيا واخره

دلوعة الرياض:
هلا فيك ياالغالية ..
الانتر عندهم قاعات صغيرة غير قاعة بريده والرئيسية ؟ غريبة ماسمعت فيها من قبل ،، ياريت الله يعطيك العافية تسألين لي وتتأكدين من اسم القاعة حتى الحق اسأل عنها

شاكرة لك تعبك معي والله يسعدك دنيا واخره ياربي

غادة :
ااااااامين ياربي وياك ان شاء الله ..
بس زي ماقلت لاختي قرويه اني ماحطيت في بالي استراحات لأني ما احبها صراحه واحس الزواجات فيه ماتطلع حلوه زي القاعات

على العموم مشكورة على تعبك معاي واهتمامك والله يجزاك الف خير

SIMPLICITY:
مشكورة يالغالية والله يوفقنا جميعاً ان شاء الله وجزاك الله ألف خير

عيون خطيبها :
ريجينسي ما ادري ليش ما احبه هالمكان .. كل زواج احضره فيه احس بالاكتئاب وانا في قاعتهم ولا انبسط .. عاد شلون لو احط زواجي فيه :o
شاكرة لك اهتمام وردك والله يعطيك ألف عافية

سنفورة الحلوة :
تصدقين راح عن بالي الخزامى .. باتصل فيهم وفي الهوليدي ان واسأل وعلى الله الاقي
مشكورة يالغالية على ردك ويعطيك الف الف عافية

عيون خطيبها:
طيب انتي قد حضرتي زواج بقاعات المملكة الصغيرة ؟ اذا حضرتي ياريت تقولين لي كيف شكل القاعة لأن مشكلة المملكة الي يبغى يتفرج على قاعات الزواج لازم بالحجز وحجوزاتهم ماتصير بسهولة :(

الرساوية
فندق المطلق ؟؟
وين موقعه ؟ ماقد سمعت فيه ؟ وهل المكان حلو ومرتب ويواجه ولا نص ونص ؟
ياريت تعطيني معلومات كاملة لأني ابي شي زين مابي شي اي كلام تعرفون لو صار شي مهوب حلو بيصير كله بوجهي وبوجه اهلي :06:
وشكرا على تعبك معي جزاك الله خير

roma88 :
يعني مو انا لحالي الي صايره معه .. طمنتيني ، طيب ياريت تقولين لي كم اسعارهم ولا عليك امر حتى يكون عندي فكره اكبر
وشكرا لك على ردك جزاك الله الف خير ورزقك السعادة دنيا واخره

عقد ألماس :
آآآمين وياك ان شاء الله
ايه سمعت عنه لكن ترددت لأني سبق وحضرت في قاعة الزواجات الرئيسية حقتهم زواج وكان الصراحة شكلها مو مره وتنظيمهم بعد ، لكن هالحكي اول مافتحوا القاعة يمكن تغيروا لكن راح اتأكد ان شاء الله واشوف
شاكرة لك اهتمامك وردك وفقك الله وجزاك الف الف خير