محتاجة للنصيحة _ ربي يسعدكن

أخواتي الغاليات
طلبتكن نصحني ... ما عارفه ايش أسوي
سبق ونزلت موضوع (زوجي ومرضي) وما قصرتن يجزاكن ربي كل خير
كنت أفكر إن زوجي متأثر بمرضي (السكري) عشان كذا مبعد عني
بس الحين صار فترة طويله ما قرب عليي وأحنا بعدنا بالسنة الاولى من زواجنا
عذرته وطوفتله كثييير قلت بيستوعب حالتي وبيرجع بس هو فيه شي ثاني وبصراحة كل محاولاتي اني اعرف ايش فيه وايش بخاطره فشلت
وتعبت نفسيا أقول يمكن هو عنده مشكلة والا فيه وحده ثانية بحياته
احيان افكر انه يمكن عنده زوجة ثانية
ما يبي يقرب صوبي وان حصل وتقربنا من بعض شوي بلحظة ما قادر يسيطر على حاله بسرعه يبعد قبل لا يصير اي شي
حتى لما اكلمه ع الحمل والعيال يعني احاول اجيه من جهة ثانية يقول ما اريد الحين عيال اوكي ليش فهمني ما يجاوب عليي
احيان افكر بالانفصال بس احس صعبة عليي اتطلق وانا ما كملت سنة بزواجي حتى اهلي والناس ما بيعطوني عذر
وانا الحمد لله موظفة وصغيرة وما ناقصني شي بس مابي اتسرع وبعد احبه وما اتخيل حياتي بدونه
اقول اصبر على جرحه ولا اعيش بدونه
ما اعرف احس ما اقدر افكر زياده
ابي نصيحة ... دعوة ... ربي يرزقكن السعادة