والله البنات ماقصروا واحس انا استفدت كثير من كلامهم

حبيبتي انا توني متزوجه وزوجي يموت علي وقاعد اربع وعشرين ساعه في البيت بس للاسف مو معاي مع النت يعشق شي اسمه العاب وفي لعبه طالعه هاليومين صاير مدمن عليها صبح وليل وانا كنت متعبه عمري على الفاضي بعدين حضرت دوره واللي القت الدوره قالت ان المره لما تهتم بنفسها وتكون بنظر نفسها هي اهم شي على الارض وتشغل نفسها في هواياتها بتكبر بعين الرجال وبيحس ان لها شخصيه مستقله وحسسيه انج تقدرين تونسين عمرج بعمرج هو بيحس بعدين انج تقدرين تعيشين بدونه وبيبدأ يهتم فيج ويخاف انه يفقدج اهم شي نفسج بعدين زوجج عيشي حياتج انا بعد ماسويت كذا زوجي استغرب وبدأ يترك اللعبه ويقعد معاي ومستغرب ليش انا ماصرت اقوله عطني من وقتك مع انه مايقصر في الويكند يوديني اي مكان ابيه ويتفرغ لي بس في البيت عايش بعالم اللعبه
اتمنى اني قدرت افيدج بكلامي...

صراحه تجاوب البنات شجعني اكتب في موضوع منفصل مشكلتي مع حيااء زوجي

اختي كانت مثلك


اول زواجها تمتحن زوجها عشان يقعد معاها

وكل ما زعلت اكثر هو بعد اكثر

وانا اهاوشها بس ما فييييييييه فايده

لين الحمدلله ربي فتح عليها

و لما انشغلت بحالها و فكت عنه صار يدورها

مو بس عشان يفقدها والا لا

لكن عشان ما صارت تزن على راسه و تزعجه

اولا الرجال راجع من الدوام قرفان حياته

ثانيا شي مهم بنات انتوا مو حاسين فيه

اللي متعود على جو الاصحاب والطلعات ما يقدر يقعد بالبيت مع شخص واحد

الرجال ترى يحبون الجلسات الجماعيه و السوالف العامه
و الجو الذكوري

حنا نحب الجلسات الحميمه والسوالف الخاصه

و الدليل الجلسات النسائيه كلها شلل صغيره


قدري اختلاف زوجك عنك و لا تدورينه وتخنقينه باللوم و التعامل البارد

وهو بعدها بيتعدل

بصراحه هذي مشكلة كثييييير من البنات قبل الزواج خطيبها مدلعها آخــــــر دلع وياحبيبتي وياعمري و و و و و

وبعد الزواج تدورين على هالعبارات ماتلاقينها إلا من رحم ربي طبعاً وهذا اللي يخوف كل البنات .... الله يعينك حبيبتي ويسخره لك



.

كل واحد منكم جاي من بيئه مختلفه وكل له طباعه لابد من وقت حتى تطبعون بطباع بعض ولابد من الصبر الصبر الصبر وخذي ياعيني بنصائح الأخوات ماقصرن..