محتاجة مساعدة كل ام..اخت...صديقة ..اسمعوني من قلب ..لاتتخلوني عني

بسم الله الرحمن الرحيم
السلام عليكم ورحمة الله وبركاته
اللهم لك الحمد كماينبغي لجلال وجهك وعظيم سلطانك
حبايبي انا مشكلتي مره كبيرة وتعبتني جدا وابي وقفتكم معي ونصايحكم و***** الله تكسبوا فيني الاجر
انا متزوجه لي سنتين من شخص احببته من كل قلبي ..بداية زواجي كانت حياتي معه مليئة بالحب والحنان وان كنت ارى في نظراته اللامبالاة بمشاعري واحاسيسي ..وقت الخطوبه لم اشاهده ولم اتحدث معه بحكم التقاليد
ثالث يوم من زواجي احسست بالخوف منه فقد تكلم لي عن الفتيات الذي خطبهم من قبل وانه كان معجب بوحده منهم وقال لي كل شئ وانا كنت اخذ الامر معه ان شخص ويعبر عن رايه سابع يوم من زواجي كلموني اهله يباركون لي وسمعتني وحدة منهم كلام جرحتني جدا فيه بس كملت حياتي وقلت هله مالي خص فيهم والي علي اني احسن اليهم وتذكرت في ثاني يوم حكيت لزوجي عن موضوع وقلت له لااحد يدري عنه وبعدها بيومين اكتشف انه قايل لاخته الكبيرة ولماقلت له قال هي سألتني وانا قلت له عالعموم اذا بداية حياتي احكي لك سر بيني وبينك وتنشر كيف بتصير حياتي معك ..المهم احسنت الى اهله فوق مااحد يتصور لدرجىة الكل يلومني على الاحسان الي اسويه لهم..وهم كانوا مااشوف منهم الاالكلام الزين..وهم خافين لي كيد.المهم زوجي ماقصرت معه بشئ نهائيا اشياء اي حرمة تسويها لزوجها حطها تاج على رأسها ..مع الايام اكتشفت ان زوجي ضعيف بكل ماتعنيه هذي الكلمه.ضعف شخصية.جنسيا.كل شئ ..اي مشكله تافهة يكلم اهله ويأخذ رايهم واي شئ يصير عندنا لازم يدرون عنه وهم بدل ماينصحونه كانوا يحرضونه علي وانا اسمع مكالمتهم وهم مايدرون..بس سكتت وصبرت قلت يابنت مالك بالمشاكل..المهم زوجي تغير كثيروصار اردى من قبل حسيت انه اذايبي يحبني يحبني واذا يبي يكرهني كرهني .دبروا لي اهله كيد ولعبوا بعقله وجاني يوم وانا نايمه وصحاني وقال انسي انك تكوني زوجتي ابرجع ومابي احصلك هنا لحقته ابعرف وش الموضوع تركني ومالتفت لي دقيت عليه مارد رسلت رساله تعال علمني وش الموضوع ومالك الا طيبة الخاطر مارد بعدها رسل لي رساله الي بيني وبينك انتهى انسي الرجوع انتي طالق وغدا ورقة الطلاق ..شعور ماينوصف صدقوني ماينصف.طلقني .ارخصني بكل بساطه.ليه.ليه يارب ليه.انا احبه انا اموت فيه ليه تركني..عالعموم رحت لهلي ودروا بالسالفه.بعدها كلمت اخته وسألتها ايش الموضوع قالت انتي ماسلمتي على جدتي ولانك ماتبيني مرة اخوي تحاكيه لاجا يوصلنا.قلت طيب متى ماسلمت على جدته قالت بالملكه وصدقوني اني مانتبهت لها الاوهي طالعه ومالحقت عليها بس ياناس هذا سبب يطلق عشانه المهم ارسلت له رساله وفهمت الوضع ويرد الله يستر عليك.انا انسانه مالي احد خسرت الكل علشانه اخواني صديقاتي الكل ماعندي الاامي وخواتي وواحد من اخواني ابوي متوفي ووصاه علي بس مااحتفظ بالوصيه المهم ذليت نفسي له ولهله لدرجة اني قلت لوتبوني خدامه لكم مستعدةعشان يرجعني لاني تعلقت فيه لدرجة مااحد يتوقعها
شوهت سمعتي عند الرجال وهله بعد شوهواسمعتي بالقريه كلها وانا لاحول ولاقوة ولاكلمة سوء طلعت من فمي وسمعت انه خطب من اقاربه بعد اسبوعين من طلاقي ورفضوه بعد محاولات كسرت بخاطره ورجعني على قولته على شرط اعتذر من خواته واخوانه وجدته ومرت اخوة لاني ماسلمت علىجدته ولاني لماكلمت اخته وقالت انهم قالوا له اني ماسلمت قلت حسبي الله عليكم والله يمهل ولايهمل ومرة اخوه لانها ماابغاها تحاكيه
وش اقولكم يابنات مرة اخوه قلت حيا فيه وعنده ولااحسن منها تخيلوا جالسه جنب زوجي ومايفصل بينهم الامكان ضيق يالله انا جلسته فيه وعليهاحركات ماتعجبني وانا كنت منخدعه فيها وامدحها وزوجي مرة قال لي لنها احسن حريم اخوانه حتى مني انا يازوجته بالرغم من ان زوجي ماعنده حركات غزل ولاشئ بس مااعرف وش السالفه بالرغم انا اجمل منها ومن حريم اخوانه كلهم بشهادة الكل المهم لما رجعت خبرني ان اهله مايبوني ادخل بيتهم قلت اوكي قال بس راح يجي يوم وتدخلينه ..المهم صارت حياتي كويسه بعيد عن هله بس اكتشفت انه يكذب علي في اموري كثيره وهو حاط براسه اني ابدمغة بالرغم من انه مسيطر علي بس طبعا اهله معلمينه هالشئ
صارمايبيني اعارض ولاابدي رايي وعلى اتفه الاسباب صاريذلني ويضربني ويهددني انه بيطلقني والله تعبت راعيته بأمور كثيره عطيته ماي عيني خسرت اشياء كثيره بسببه وماربحت شئ حتى العيال صابره على الموضوع لان العيب فيه ويتهرب من موضوع العلاج تعبت نصحوني انا احس ان وقت يحبني ووقت يكرهني وانا كررررررهت الدنيا كلها اذا تطلقت صعبه ارجع بيت هلي لاني رجعت وهم موراضيين على رجعتي وماقلت ان انا الي ابيه كذبت وقلت هوالي صالحني وماني عارفه كيف اتصرف مع هالانسان هله يهنونه وياكلون حقه وهو عادي وعسل على قلبه اما انا فلي ربي مع العلم انا ماعندي عيال وعالجت وقال الدكتور مافيني شئ ولما فحص زوجي طلع عنده مانع لعدم الحمل ساعدووووني طلبتك وادعو الله يسخر زوجي لي ويرده لصوابه تكفوني ياحبايبي انصحوني زوجي مش فاهمني ولايحس فيني ولاغلط يبيني انا اعتذر تعبت وشفت اهوال الدنيا من زوجي حبيبي شوه سمعتي خلاني افقد الثقة بنفسي ساعددددوني تكفون ردوا علي لو بدعوه صح نسيت اقول لكم انه لما سالته وين كنت لما ارسلت لي الرساله قال كنت مع اهلي خواتي واخواني تناقشنا بالموضوع وقالوا طلقها احسن بدل مايجينوك عيال وتتبهدل معها وتخيلوا خواته ولامره صارت بينا مشاكل واخته الكبيره اعتبرها مثل امي واناديه امي وهي شوفوا وش سوت اول من ايد بفكرة طلاقي