محتاجة مساعدتكم

السلام عليكم ورحمة الله وبركاته
كيف حالكم أخواتي بالله اذا بتسمحولي حابة افضفض واقولكم كل شي بقلبي انا متأخرة بالحمل أربع سنوات حملت واجهضت مرة ما بعرف شو اعمل نفسيتي صايرة كتير تعبانة طول الوقت ببكي حاسة انو ما في شي بالدنيا بيسعدني حتى الأكل ما الو طعم ما بيجي على بالي أكل لاني بحس انو جسمي ما بيستحق يعني خسارة فيه الأكل لأن غيري بتاكل من شأن يلي في بطنها أو من شأن تقدر على الاهتمام بولادها أما أنا ليش اكل؟
حتى لما زوجي بيحزن عليا وبيحاول يطلعني لحتى اتسلى بشوف الأطفال وكيف زوجي بيصير يدلعهم بيتقطع قلبي بحس اني حارماه من الاطفال
حتى لما اروح لأهلي بتعب لأن النساء ماطول ما هم جالسين ما بحكوا غير فلانة حامل وبيحكوا عن أولادهم واذا سألوني شي عن الحمل بسرعة عيوني بتدمع وبحس بكتمة بصدري أقرب موقف صار إلي اخت اتزوجت بعدي بسنتين ومعها ولد ولما رحنا عند أهلي اجت هي وزوجها معهم الحلوان لأنها حامل ما شاء الله بس سمعت امي بتحكي لزوجه أخي خدي الحلوان لأن فلانة حامل ما بعرف شو صارلي جسمي صار متل النار ودموعي على خدي بس الحمدلله ما حد شافني ولما امي حكتلي كلي هذا الحلو من اختك قولتلها ليش قالتلي ما في شي هيك
اتعقدت تعبت وزوجي البكر لكل العيلة ونفسهم يشوفو أولاده خايفة أهل زوجي يخلوه يتزوج
انا وزوجي حابين نلجأ للتلقيح الصناعي بس بكلف الف دولار وانتم عارفين الوضع عندنا بغزة ما في شغل والحال تعبان حتى علاج ما بقدر اشتريه فبطلب منكم دعوة بظهر الغيب لاختكم بالله ان ربنا يبعتلنا أولاد الحلال يلي أبقى طول عمري ادعيلهم وادعيلكم من ارض الرباط محتاجة دعائكم أرجو أن لا تبخلوا بدعوة صادقة عسى أن يجبر الله خاطري بدعوة واحدة لأنه لا يرد القضاء إلى الدعاء وانا


كل وحدة متاخرة بالحمل تحكيلي كيف بتنسى موضوع الحمل شو بتعمل لحتى نفسيتها تتريح
بدي نصائحكم بحاجة دعائكم واقتراحاتكم وأنا ما راح انساكم من دعوة صالحة من هنا أرض الرباط ساعدوني أخواتي بالله