محتاجة مساعدتكم ضروري يالغاليات

من وقت ماتزجت وانامتنقلة من بيت لبيت بتقولوا ليه .. لان حضرت زوجي لما اخذته اتفاجأت انه ماعنده وظيفه كان يكذب علي انه يداوم وهو يروح عند اصدقائه ويرجع لي الظهر .. وبعدها طردنا صاحب الشقة لانه يبغى إيجاره اكيد وبالقوه لين زوجي المحترم اخذلي شقه غيرها بعد مارماني عند اهلي شهر كامل ولا سسأل فيها عني رغم اني كنت حامل وساعدته ولقى وظيفة لكن ياليته كان يداوم فيها للاسف داوم فقط شهر بكل جد واجتهاد وبمجرد اخذ اول راتب ترك الوظيفه ولا عاد يداوم وكل مااصحيه للدوام يتعذر لي كل مره ... مره يقول اخذت اجازه اسبوع ومره يقول اخذت اجازه شهر ومره لين اصحيه يقولي زملائي يوقعون لي في العمل ..انا كنت حامل وقتها وتعبانه مره مره من الوحام وبعدها صارلي حادث حرق انفجر فيني الفرن ... وهو اخذ راحته عالاخر .. اخر مره قلت له ليش ماداوم جاوبني بصراحه قالي العمل بعيد وانا تعبت قلت له طيب في منطقة قريبه منها بينها وبين عمله ربع ساعه رفض واتعذر انه بعدين لين اولد مايقدر يصير رايح جاي عشان يشوفني انا وولده وياليته صدق المهم ولدت وحضرت المحترم زوجي ماعنده وظيفه واستقال وقال لاهلي انا السبب اللي خليته يستقيل شاف له اخويا وظيفة ثانيه في نفس المكان اللي احنا فيه لكن راتبها مرررررررررره قليل ولايكفي العممل الاول كان راتبه اعلى ... ايش اسوي صبرت عالرغم من انه من وقت مااشتغل في هذي الوظيفة طبعا توظق فيها بعد ماولدت باسبوع وياليتني شفته بعدها حتى لولده مااشتاق اول ولد لنا في الدنيا وكل مااسئله ليش ماتجي تشوفنا حتى لوكان وانت راجع من الدوام خمس دقايق وامشي يقولي انا مشغول في الدوام وتعبان يالله ارجع البيت عشان ارتاح ماعندي وقت امر فيه عليكم ..يشهد الله حتى سابع ولدي سويته وهو حضر ضيف شرف ومشي ولا حتى فكر يجلس معانا المهم كملت الاربعين وقلت له باجلس عند اهلي اسبوع يكون وقتها نزل الراتب عشان نقضي للبيت قالي براحتك .. ورجعت وياليتني مارجعت له .. رجعت والبيت تقولوا الله يكرمكم داخلين مكان زباله بمعنى الكلمه .. وياليته حتى كان مشتاق وياليته قالي بس اشتقت لك البيت من دونك مايسوى والا قالي شكلك حلو ويش التغير هذا والله رجعت له كأني عروس تصلحت عند الكوفيره صبغت وقصيت وتمكيجت واشتريت لبس جديد ولبسته وياليته فاد معاه حط راسه ونام بعد مالعب مع ولده ..لا وجاب الراتب ناقص توه متوظف في العمل ماله شهر يقول ماعرف ليش نقصو الراتب قلت ليش ماسالتهم قال ليش اسئلهم مالي صلاح ايش رايكم بالله؟؟ المهم لنا في الشقة سته شهور واللحين كمان طردنا صاحب الشقة لان المحترم زوجي مادفع الإإيجار وجالسه عند اهلي انا ولدي لنا شهرين وبالقوه لين جاء حضرته عشان ندور شقة ولقينا شقة صغيره تمشي الحال قلت باصبر لين تتيسر الحال .. ولين راح ابويا معاه يشوف الشقة قاله ابويا ليش ياولدي ماشفتوا شقة اكبر واحلى من هذي لكم وللزمن قال بنتك اصرت تبغى هذي الشقة وريتها عماير احلى من كذا ورفضت والله يابنات انصدمت يشهد الله كل مااقوله خلينا ندور شقة احلى يمكن نلاقي يقولي لا انا ماعندي فلوس وهذي تكفي كلها سنه وننقل في احسن منها طبعا وهو كذاب انصدمت لين الكلام لابويا وطلبت منه الطلاق لأن مو اول مره يقول هذا الكلام كل مره يعيده كل ماخنا شقه مايدفع ايجارها يقول اصلا ماهي عاجبتني وانتي اللي اخترتيها وكل ماقوله اختار معايا يقول الراي رايك وغير كذا اكتشفت انه يحشش مسكته الشرطه قبل كذا وهو يشتري وخرجه اخوه بكفاله لكن محكوم عليه بسجن شهر و80 جلدة .. اللحين لي ثلاث شهور عند اهلي والله مايسال عني وعن ولدي يجي يشوفنا في الشهر مرتين اوثلاث حتى مقاضي لولده مايشتريله لاحفائظ ولاحتى حليب ابويا الله يحفظه هو وامي هم يصرفو علينا اللحين انا زعلانه منه وقلت له ماعاد ابغاك طلقني .. ومن وقتها ماعاد يتصل بس ارسلي رساله يقول انا ضربت لك الشقه بويه وفرشتها لك ..وانا مارديت عليه لكن من وقتها والله العظيم ماجاء يسلم على ولده ويقول وحشني نزل راتبه ماقال حتى اشتريله اغراض .. اتصل عليه ابويا امس وقاله ليش ماجيت تشوف ولدك وليش ماشتريت له اغراض وهو محتاج لك قال ماني فاضي انا تعبان وبعدين انا جالس انقل العفش للشقه وانا عارفه ياناس انه كذاب لان مفتاح الغرف حقت الشقة القديمه معايا وكل الأغراض فيها فكيف جالس ينقل كيف فتحها.. اسألكم بالله العظيم شوفوا لي حل ؟؟؟؟ لأن ابويا يبغاني ارجع له يقول انتي عارفه عيوبه يمكن بكره يتعدل ويتغير وانا رافضة ارجع له وابغى الطلاق ايش رايكم ؟؟ ردولي جواب بسرعه .. انا اسفه طولت عليكم الله يجزاكم خير.. ويجعل اللي ترد عليا في ميزان حسناتها ان شاء الله..:44: