محتاجة مشورتكم(ضروري جدا)

السلام عليكم
من فترة كتبت موضوع ومشكورين جدا عالرد لكن عندي هالمرة مشكلة وياريت تساعدوني فيها
شقتي قريب بتخلص ومع انها صغيرة جدا يعني على كد الحال لكن كنت دايما احلم بالاثاث الي بحطه فيها وكنت اطالع المجلات والانترنت علشان اخذ افكار لكن من يومين قالت لي حماتي الكبيرة وهي مو كلوز وياي و ذوقها مختلف عني شي حطم احلامي علشان الشقة لانها قالت لي اذا بناخذ اي شي في الاثاث مثل الكنبات المطبخ والمكتب وحتى السرير بتخلي زوجها وطبعا معاها يودينا محلات في السعودية لانها ارخص من البحرين وهذا يعني اني ما بعرف اختار الاشياء الي ابيها على راحتي بالمرة لانهابتعطي رايها في الموضوع مثلا تخيلو لو عجبوني كنبات معينين لكن هي شافتهم مو حلوين فبتفشل اني اخذهم حتى لو عاجبيني جدا من جذي شلون اتصرف ولا تقولون اعتذري منها علشان لا تروحين لان بصراحة احراج لي اذا رفضت خصوصا انها الكبيرة وبعد زوجي ما يقدر يعتذر لانه اخوها الصغير وهي قصدها خير انا تخدمنا