محتاجة مشورتكم بسرعة في.......... عريس............ ضروري الله يوفقكم

الأسرة والمجتمع

أهلين أخواتي وكل عام وانتم بألف خير ......... بعد الزحمة


أبغى أطرح لكم مشكلة صديقتي لأني أعرف ان مالها بعد الله غير بنات حواء الله يوفقكم كلكم ..
وهذا بحكم ان الوحدة تكتب رأيها بشكل حيادي ومن خلال خبرتها وتجاربها في الحياة ..
واحنا أخوات وعون وسند لبعض على الخير بإذن الله .. ورب أخ لك لم تلده أمك<<<<<<<<<< اخلصي علينا :angry2:

السالفة وما فيها ان حبيبة قلبي متقدم لها عريس .. ومحتارة جدا توافق عليه ولا ترفضه .. لذلك أنا بقولكم المواصفات في الطرفين واترك الحكم والمشورة الصادقة لكم الله يبارك فيكم ..
وأنا متأكدة انكم بتشيرون عليها بالعقل والمنطق وبتكسبون أجر هالمسكينة ..

البنت جامعية و موظفة ماشاء الله وحلم حياتها تكمل دراستها .. ملتزمة وتحب الأطفال جدا جدا ,, خصوصا البنات ...وما سبق لها الإرتباط قبل كذا ..الكل يمدح أخلاقها وأدبها والتزامها ..الله يتبتها على الحق..
ناجحة في عملها وفي شغل البيت .. متواضعة وطيبة وعمرها في العشرينات .. تتمنى ان ربي يرزقها زوج صالح يخاف الله وما يعرف سوالف الحريم والدشوش والتدخين وتضييع الصلوات ..تحب قعدة البيت وغير اجتماعية ..
جمالها متوسط , تحب الشياكة البسيطة بدون تكلف .. ماتحب الدلع وما تعرف ترقص ولا تحط مكياج ثقيل وتتكشخ زي باقي البنات .. مكياجها هادي جدا ما يبان على وجهها إلا يادوب ... ماودها تحوس نفسها وهي ماعندها خبرة

قامت وحدة كلمتها عن واحد يدور زوجة ملتزمة فقط.. ماهمه شي غير الدين,,,

ملتزم مطلق وعنده بنت في الإبتدائي ووحدة صغيرة ... أكبر منها بحوالي عشر سنوات .. شهادته ثانوية .. طيب ومتواضع وملتزم بالدين ,,مجال عمله مختلف عن عملها .. كريم ومتسامح ,, مايحب المظاهر وغير اجتماعي .. من نفس المنطقة اللي هي منها مع اختلاف الألقاب .. مايبغى شي الدنيا غير الستر مع وحدة ملتزمة تتقي الله فيه وتساعده في تربية بناته إذا كبروا .. وده يعوض على نفسه وبناته عن اللي شافه من طليقته .. وقال انها لو وافقت عليه مستعد ينتقل ويسكن في منطقة عمل البنت ويساعدها في الدراسة وما يرفض عملها ولا له علاقة في راتبها.. شرط انها ترضى انه يجيب بناته يعيشون معه وانها تعينه على الطاعة والخير ,,,

فإيش رايكم .. هي مرتاحه لدينه وأخلاقه .. وتحب البنات وتقول لو وافقت بيصيرون بناتي ويعينوني زي ما أعينهم .. ويصير كأني تزوجت صغيرة وخلفت بدري .. وفي نفس الوقت خايفة تكون دفنت نفسها بالهموم والمشاغل في بداية حياتها الزوجيه .. خصوصا ان الرجال شهادته أقل منها وعمره اكبر بعشر سنوات .. وترجع تتذكر دينه واخلاقه , وأنه مو من الشباب الصايع الضايع ولا راعي دشوش وحركات مايعة ..

و بعد تفكر في نظرة أهلها لها لو تزوجته وانهم بيقولون ما رخصت نفسها وأخذت مطلق كبير إلا لأنه محد يبغاها من الشباب .. وكلام الحريم اللي تعرفونه .وترجع وتتذكر التزام الرجل وأخلاقه ..
ومعد تدري وش تقرر ... توافق ... ولا ترفض ... الإستخارة لا بد منها .. لكن انتم أخواتي وش رايكم في الموضوع ..

ياليت اللي تدخل ترد لأن البنت محتارة وبتكسبون أجر نصحها وتوجيهها الله يرزقكم كلكلم ...
39
2K

يلزم عليك تسجيل الدخول أولًا لكتابة تعليق.

تسجيل دخول

رياح الغربة
رياح الغربة
والله مادري
لكن من رأيي توها بالعشرين بلاش تاخذ مطلق وعنده بنااااات تحمل حالها مسؤولية من بدري ليه؟؟؟؟؟وخليها تسأل عن اسباب طلاقه مو منه تاخذ المعلومات

وربي ييسر أمرها
((نجوم الليل))
((نجوم الليل))
الله يوفقها ويرزقها الخيره المباااااركه ويسخرلها ملائكة سمائه وجنود أرضه..
واوصيها بالاستخاااااااااااااره ثم الاستخاااااااااااره ثم الاستخااااااااااااااااااره لوفيه خير بيتم الموضوع واذا مافيه خيره ماراح يتم
والسؤاال جيدا عن العريس ماتكتفي بكلام اللي كلمتها لا ويسألون عنه كويس..
والاستغفاااااااااااار لاتنساه..
واخيرا اسأل الله العظيم رب العرش العظيم ان يرزقها راحة البال ويفتحلها ابواب رزقه وجميع المسلمين والمسلمااااااااااات
منار1404
منار1404
اول شي تستخييييييييييير

وانا لو مكانه وافقت وانا مغمضه ياختي اهم شي تدين الرجل والتزامه خصوصا انه ملتزمه ماشاء الله وسيعينها وتعينه

والله ييسر لها امرها
دوحة القران
دوحة القران
الله يوفقها ويخيرها اللي فيه صالح وخيره لها 000وانا من رايي تتروى شوي وتفكر زين وتستخير كم مره {ماخاب من استخار}وتعطي نفسها فرصه 00
وبعدين عشر سنوات مو فرق كبيروبناته ممكن تكسبهم بكل سهوله 00والدين والاخلاق اهم شيء ممكن تاخذ واحد اصغر منه وماسبق له الزواج لاكن تتمرمط معه ياباخلاقه ولادخان ولاسفر ولاراعي بنات 000000الخ00ارجع واقول اهم شيء الدين ولاخلاق00والله يوفقها
ام حمودي و هنودي
ما حبيت اطلع بدون رد ,,

الله يوفقها وييسر امرها والله اني محتاره مثلها الله يعينها يارب