محتاجة مشورتكم .. هل أعيد تجربة أطفال الأنابيب ؟

السلام عليكم
حبايبي ودي استشيركم بشي لان قلت لزوجي شور علي قال كيفج وانا احس اني ما اقدر اقرر الحين

السالفة ومافيها ان امي وابوي يبوني اعيد عملية اطفال الانابيب مرة ثانية وانا من شهر مسويتها ومانجحت ونفسيتي الله يعلم فيها الدكتورة قالت لي اقدر ارتاح شهر والشهر اللي بعده اجيها تاريخ 21 من الدورة والشهر اللي بعده نبدا الرحلة
انا ابي اخليها لشهر 11 لما تهدى النفسية شوي
ابوي احس انه زعل مني لما قلت له ان ابي ااجلها لشهر 11 وزوجي يقول اللي تبنيه سويه انا موافق عليه (( يعرف مدى لهفتي للاطفال بس مايبي نفسيتي تتحطم اذا لاقدر الله وفشلت ))
انا استخرت وماحسيت بشي وباستخير مرة ثانية ان شاء الله
بس ابي مشورتكم شوروا علي وانصحوني انا ما اعرف افكر بروحي
انا اعتبركم مثل اخواتي

اختكم المحبة