محتاجة منكم المشورة يا اخواتي

بسم الله الرحمن الرحيم
انا طايحة بمشكلة عويصة والله يشهد اني برئية منها
قبل يومين كنت انا وزوجي وولدي عندي اهلي على العشاء وفجاءة طلع من البيت منغير ما يتعشى انا خفت يكون زعل من اهلي مع انهم يموتون فيه وهو يحبهم مرررة فقمت اتصلت فيه اكثر من عشر اتصالات ويوم رد اساله وشفيه قال ابوه تعبان وبيودية المستشفى بصراحه ما صدقته وقلبي مو مرتاح قمت اتصلت مرة ثانية وما رد وبعد اكثر من اتصال رد وقال لي نفس العذر قلت له لا بجد وش فيك قال لا ما باقي الا اجيب القرآن واحلف لك وقفل بوجهي المهم بعد ساعتين جا وتعشى ومشينا البيت والله العظيم يابنات كاني يهودي بجنبة وزعلاااااااااااااااااااان مرة انا ماني فاهمة وش السبب اصلا رحنا البيت على طول اخذ المخدة واللحاف ونام بالمجلس(انا اللي اعرفة اني الي يهجر زوجته هو الي يلقاها خانته او لقي بفؤاشة واحد غيرة) المهم ما خليتة رحت وسالته وش فيك وحاولت اكلمة واراضيه بس مافيه فايدة قالي اطلعي برا طلعت واخذت ولدي ونمت اليوم الثاني كنت لازم اروح لاهلي عشان ملكة اختي اليوم الي بعدة يعني ابيت عنهم وهو عارف هذا الشي واتصلت فيه وكالعادة ما يرد قمة ارسلت له مسج باني رايحة لاهلي وفعلا رحت ولما وصلت بيت اهلي اتصلت فيه وما رد اتصلت المغرب وما رد المهم جاني ابوي وقالي كيف تطلعين من غير علم زوجك فقلت له وش سويت وانا مايرد على اتصلاتي قال هو يقول انها مو اول مرة بنتك تطلع من البيت من غير ما اعرف (ربي يشهد ويساني يوم القيامة عن كلمتي هذي اني ما قد سويتها بحياتي لاعند اهلي ولا عنده)يعني بهتني المهم خلصنا من الملكة اتصل ابوي فيه عشان نتواجه وهذا طلب انا لاني رفضت اتكلم الا اذا جا وتواجهنا وقام يتعذر واتصل فيه مرة ثانية وتهرب فقال ابوي يالله روحي لبيتك خلاص مافي داعي تجلسين هنا وفعلا رحت وكانت الطامة الكبرى جلست ساعة والله العظيم والاخ داخل البيت ومو راضي يرد ولا حتى يفتح لي الباب انا على بالي نايم طبعا السواق وصلني وراح شوي الا ابوي يتصل ويقول لاتتحركين من مكانك الحين جاي المهم جا ابوي وجارنا وعمي وقال شوفوا بنتي لها ساعة عند الباب والاخ مو راضي يفتح لها ابغاكم تشهدون على هذا الموقف
رجعت بيت اهلي ويوم اسال ابوي الا وهو يقول انه زوجي اتصل فيه وقاله بالنص العيال عند الباب خلي الي جابهم يرجعهم
الحين اهلي مرررررررررة زعلانين منه وانا بانطق بامووووووووووووووت لاني ما توقته نذل وحقير لهذ الدرجة فطلبت من ابوي انه يكلم اخوه الكبير ويخليه يجي ويجيبة عشان اتكلم بكل شي يعني انشؤ غسيلة واطلع فضايحه هذا النذل الا الآن ما احد جا لانهم مشغولين بعزايم وزواجات
المهم يابنات والله العظيم اني كملت شهر وما طلعت معاه طلعة مثل الاوادم اما عند اهلي واما عند اهله مصروف شهري مثل حريم خلق الله مافيه شغاله ما انه شايفني هلكانه مع ولدي وشغل البيت بس والله العظيم مايكلف خاطرة يقولي كلمة حلوة او حتى يعطيك العافيه بس لا يشتغ ولا يشيل ولا يحط بس كلمة تحسسنس ان فيه احد يستاهل اتعب عشانه واربع سنين لا سفر ولا شي راتبه 10000يعني مافيه اي عذر ماقصرت معاه لا بفراشه وربي يشهد ويسالني عن هذا الكلام ولا من ناحية دلع واهتمام فيه والله انه ما يطلع من البيت الا مثل المعرس لا من ناحية الشكل ولا من ناحية الترتيب اكلة جاهز وحتى الحمام اجهزة له كل سنة احتفل بذكرى زواجي واسويها له مفاجأة لكن حسبي الله ونعم الوكيل
اسالكم بالذي خلقكم اتقولون بكل صراحه رايكم بالموضوع وما انسى ان ابوي محرص عليه اني ما ارد عليه اذا اتصل ولا على اتصلات احد من اهله نهائي
ساعدوني راسي بينفجر ونفسيتي عدم محتاجة مشورتكم الله لا يحرمني منكم ويجزاكم عني كل خير